இங்கிலாந்தில் வாங்கிய அடி.. பவுலிங்கை மாற்றிய 25 வயது வீரர்.. பயிற்சியாளர் சொன்ன ரகசியம்

மும்பை: இந்திய அணியின் லெக் ஸ்பின்னர் ரவி பிஷ்னோய் ரிட்டர்ன் கிரீஸுக்கு அருகில் செல்வதைத் தவிர்ப்பதற்காக தனது ரன்-அப்பில் மட்டுமே சிறிய மாற்றம் செய்துள்ளார் என்று பந்துவீச்சு பயிற்சியாளர் சுனில் ஜோஷி, தெரிவித்துள்ளார். இந்த மாற்றத்தில் அணி நிர்வாகமும், பந்துவீச்சாளரும் முழு திருப்தி அடைந்துள்ளதாக அவர் குறிப்பிட்டுள்ளார்.

இங்கிலாந்துக்கு எதிரான இரண்டாவது டி20 போட்டியில் மான்செஸ்டரில் பிஷ்னோய் 60 ரன்கள் விட்டுக்கொடுத்து விக்கெட் எதுவும் வீழ்த்தாமல் மோசமான பந்துவீச்சை வெளிப்படுத்தினார். 25 வயதான பிஷ்னோய் அந்தப் போட்டியில் மூன்று நோ பால்களை வீசியதுடன், அதில் இரண்டு ஃப்ரீ-ஹிட் பந்துகளை ஜேக்கப் பெத்தல் சிக்ஸர்களாக மாற்றினார்.

எனினும், ஜிம்பாப்வேக்கு எதிரான போட்டியில் ஹராரேயில் பிஷ்னோய் சிறப்பான கம்பேக் கொடுத்தார். நோ-பால் எதுவும் வீசாமல் 4 ஓவர்களில் 24 ரன்கள் மட்டுமே வழங்கி 1 விக்கெட் வீழ்த்தினார்.ஹராரேயில் நடைபெறவுள்ள இரண்டாவது இந்தியா-ஜிம்பாப்வே டி20 போட்டிக்கு முன்னதாக செய்தியாளர் சந்திப்பில் பேசிய ஜோஷி, பிஷ்னோய் எவ்வாறு தனது நோ-பால் பிரச்சினைகளைச் சரிசெய்தார் என்பதை விளக்கினார்.

எனக்கா இந்திய அணியில் இடமில்லை.. இங்கிலாந்து மண்ணில் கலக்கிய குல்தீப் யாதவ்

இது குறித்து பேசிய அவர், "இந்த வெற்றி மிகவும் முக்கியமானது, அது நிகழ்ந்துள்ளது என்பதில் எனக்கு மகிழ்ச்சி. பந்துவீச்சு செயல்பாடுகளும் திருப்திகரமாக உள்ளன. பிஷ்னோய் தனது பந்துவீச்சு முறையில் எந்த மாற்றமும் செய்யவில்லை. அவர் தனது ரன்-அப்பை மட்டுமே சற்று மாற்றியமைத்துள்ளார். இது தொடர்பாக ஸ்பின் பந்துவீச்சு பயிற்சியாளர் சாய்ராஜ் பகுதுலேயுடனும் நாங்கள் பேசியுள்ளோம்."

"இறுதியாக, அவர் ரிட்டர்ன் கிரீஸுக்கு மிக அருகில் கூட செல்லவில்லை என்பதை நாம் பார்க்க முடிகிறது, இது உண்மையில் அவருக்கும் எங்களுக்கும் மகிழ்ச்சி அளிக்கிறது," என்று ஜோஷி கூறினார். முதல் போட்டியில் 35 பந்துகளில் 26 ரன்கள் எடுத்திருந்த ரியான் பர்லின் விக்கெட்டை ரவி பிஷ்னோய் வீழ்த்தினார்.

சிவம் துபே-ல்லாம் ஆல்ரவுண்டர்னா நானும் ஒரு சிறந்த ஆல்ரவுண்டர் தான்.. ஸ்ரீகாந்த் கிண்டல்

"அபிஷேக் சர்மா, திலக் வர்மா மற்றும் ஹர்ஷ் துபே ஆகியோர் நல்ல ஆல்ரவுண்டர்கள். அபிஷேக் தனது பந்துவீச்சை மிகவும் மேம்படுத்தியுள்ளார். பயிற்சியாளர்கள் அவர் எப்போதும் முன்னேற வேண்டும் என்றே விரும்புகிறார்கள். ஹர்ஷ் துபேவும் சிறப்பாக செயல்பட்டுள்ளார். திலக் வர்மாவும் மற்றொரு பகுதி நேர பந்துவீச்சு விருப்பமாக உள்ளார்." என்று கூறினார்.