இந்திய அணி நிரந்தர கேப்டனாகிறாரா ஹர்திக் பாண்ட்யா.. ரவிச்சாஸ்திரி கூறிய தகவல்.. ரசிகர்கள் உற்சாகம்!

இந்திய அணி மாற்றம்

டி20 உலகக்கோப்பை தொடரில் இந்திய அணி மிகவும் மோசமாக சொதப்பியதை அடுத்து இந்திய அணியில் மாற்றங்களை கொண்டு வர வேண்டும் என ரசிகர்கள் கோரி வருகின்றனர். குறிப்பாக தனித்தனியாக கேப்டன்கள் வேண்டும் என பிசிசிஐ ஆலோசனை நடத்தி வருகிறது. இப்படிபட்ட சூழலில் தான் ஹர்திக் பாண்ட்யாவிடம் பொறுப்பு கொடுக்கப்பட்டுள்ளது.

ரவி சாஸ்திரி கருத்து

இந்நிலையில் இதுகுறித்து ரவிசாஸ்திரி பேசியுள்ளார். அதில், டி20 கிரிக்கெட்டில் மட்டும் புதிய கேப்டன் இருப்பது தவறவில்லை. ஏனென்றால் ஒரு வீரர் இங்கு நிறைய கிரிக்கெட் ஆட வேண்டியுள்ளது. ஒருவரே மூன்று வடிவ கிரிக்கெட்டையும் பார்த்துக்கொள்ள வேண்டியது கடினமான ஒன்றாகும். ரோகித் சர்மா டெஸ்ட் மற்றும் ஒருநாள் கிரிக்கெட்டை பார்த்து வருகிறார், இதனால் ஹர்திக்கை டி20 கேப்டனாக்குவது தவறில்லை.

ஓய்வு பெறுவார்களா?

ரோகித் சர்மா மற்றும் விராட் கோலி ஆகியோர் டி20 கிரிக்கெட்டில் இருந்து ஓய்வு பெற வேண்டும் என வலுத்து வரும் கோரிக்கை குறித்தும் ரவிசாஸ்திரி பேசியுள்ளார். அதில், அதுபோன்ற முக்கியமான முடிவுகளை உடனே எடுக்க முடியாது. 2024 டி20 உலகக்கோப்பை குறித்து திட்டமிட வேண்டும். அடுத்த வருடம் அது நடக்கும் என நினைக்கிறேன். அதுவரை ரோகித் சர்மா தான் அனைத்து வடிவ அணிக்கும் கேப்டனாக இருப்பார் எனக்கூறியுள்ளார்.

இலங்கை தொடர்

இந்தியா - இலங்கை அணிகளுக்கு இடையே அடுத்தாண்டு ஜனவரி மாதம் கிரிக்கெட் தொடர் நடைபெறவிருக்கிறது. இதில் இருந்தே ஹர்திக் பாண்ட்யா நிரந்தர டி20 கேப்டனாக பொறுப்பேற்பார் என தகவல் வெளியாகியுள்ளது. இதற்காக தான் தற்போது நியூசிலாந்து தொடரில் பரிசோதனை நடைபெறுவதாகவும் கூறப்படுகிறது.