“முதலில் மரியாதை கொடுங்க.. இல்லைனா கவலை தான்”.. இங்கிலாந்தின் டெஸ்ட் அணுகுமுறை.. அஸ்வின் கருத்து!

பேஸ்பால் கிரிக்கெட்

இது ஒருபுறம் இருக்க இங்கிலாந்து அணி தனியாக கலக்கி வருகிறது. இங்கிலாந்து அணியில் புதிதாக கூட்டணி அமைத்துள்ள பயிற்சியாளர் பிரெண்டன் மெக்கலம் மற்றும் கேப்டன் பென் ஸ்டோக்ஸ் ஆகியோர் பேஸ்பால் என்ற புதிய முறையை கையாண்டு வருகின்றனர். அதாவது டெஸ்ட் கிரிக்கெட்டை அதிரடியாக விளையாடுவது தான். முதல் ஓவரில் இருந்தே டி20 கிரிக்கெட் போல அதிரடியாக ரன் குவிக்கின்றனர்.

இங்கிலாந்தின் அணுகுமுறை

இங்கிலாந்தின் அதிரடியை சமாளிக்க முடியாத எதிரணிகள் ரன்களை வாரி வழங்கிவிடுகின்றனர். ஆனால் எதிரணி வழக்கமான டெஸ்ட் அணுகுமுறையை காட்டும் போது அடுத்தடுத்து விக்கெட்டுகளை இழந்துவிடுகின்றனர். இதே போன்ற செயல்பாட்டை இந்திய அணியிலும் அவ்வப்போது காட்டுவோம் என ரோகித் சர்மா முன்பு கூறியிருந்தார்.

அஸ்வின் கருத்து

இந்நிலையில் இதுகுறித்து அஸ்வின் கருத்து தெரிவித்துள்ளார். அதில், டி20 கிரிக்கெட்டில் செய்வதை அப்படியே டெஸ்ட் கிரிக்கெட்டில் செய்துவிட முடியாது. அவர்கள் அதுபோன்ற குறிப்பிட்ட ஸ்டைலில் கிரிக்கெட் ஆடுகின்றனர். ஆனால் அனைத்து களங்களிலும் இது செல்லாது. குறிப்பிட்ட களங்களில் அதிரடியாக ஆட நினைத்தால், மொத்தமாக விக்கெட்கள் சரிந்துவிடும்.

மரியாதை கொடுக்கனும்

விளையடும் பிட்ச்-களுக்கு மதிப்பு கொடுக்க வேண்டியது அவசியம். ஒருமுறை டபள்யூவி ராமன் என்னிடம் பேசினார். அப்போது, ஹலோ மிஸ்டர் எப்போதும் பிட்ச்-களுக்கு சவால் கொடுத்து பார்க்க வேண்டும். நீச்சல் குளத்தில் நீந்துவது போல கடலில் நீந்திவிட முடியாது. அந்தந்த இடத்திற்கு மரியாதை கொடுத்தால் மட்டுமே சரியாக செய்ய முடியும். இங்கிலாந்து அணி இன்னும் அவர்களின் அதிரடியை இந்திய களங்களில் காட்டவில்லை என்பது குறிப்பிடத்தக்கது.