முதலில் பந்துவீச்சு
எனவே இன்றையப் போட்டியில் வெற்றி பெறும் அணிக்கு ப்ளே ஆப் சுற்றுக்கான வாய்ப்பு அதிகரிக்கும். கிங்ஸ் லெவன் பஞ்சாப் அணி டாஸ் வென்றன. அந்த அணியின் கேப்டன் அஸ்வின் முதலில் பந்துவீச்சை தேர்வு செய்தார்.
சிறப்பான துவக்கம்
ஹைதராபாத் அணியில் அபிஷேக், நபி மற்றும் சந்தீப் ஆகியோர் மீண்டும் அணியில் இடம்பிடித்துள்ளனர். இதனையடுத்து முதலில் பேட்டிங் செய்ய களமிறங்கிய ஹைதராபாத் அணிக்கு வழக்கம் போல டேவிட் வார்னர் மற்றும் விருத்திமான் சஹா ஆகியோர் சிறப்பான துவக்கம் கொடுத்தனர்.
முயற்சிகள் தோல்வி
போட்டியின் முதல் ஓவரில் இருந்தே அதிரடியாக விளையாடிய இருவரின் விக்கெட்டை இழக்க பஞ்சாப் பந்துவீச்சாளர்கள் எடுத்த அனைத்து முயற்சிகளும் தோல்வியில் முடிந்தது.
தந்திரமான அஸ்வின்
அதனால், வழக்கம் போல தனது தந்திரமான முறையை கையில் எடுக்க முடிவு செய்தார் அஸ்வின். சாஹாவை ஒரே ஓவரில் இரண்டு முறை மன்கட் செய்ய முயற்சித்தார்.
— Vinay Tripathi (@VinayTr85616518) April 29, 2019 |
அம்பயர் எச்சரிப்பு
ஆனால் அஸ்வினின் நடவடிக்கையை உன்னிப்பாக கவனித்து வந்த சாஹா க்ரீஸை விட்டு வெளியேறவில்லை. இதனால் அஸ்வின் பெருத்த ஏமாற்றம் அடைந்தார். அதை கண்ட கடுப்பான அம்பயரும் அஸ்வினை கடுமையாக எச்சரித்தார். இந்த வீடியோ தற்பொழுது சமூக வலைதளங்களில் வைரலாக பரவி வருகிறது.