சோக சம்பவம்
இந்நிலையில் இன்று பணியில் ஈடுபட்டிருந்த போது பாண்டிங்கிற்கு விபரீத சம்பவம் ஏற்பட்டுள்ளது. ஆஸ்திரேலியாவுக்கு சுற்றுப்பயணம் மேற்கொண்டுள்ள மேற்கிந்திய தீவுகள் அணி 2 போட்டிகள் கொண்ட டெஸ்ட் கிரிக்கெட் தொடரில் மோதி வருகிறது. முதல் டெஸ்ட் போட்டியின் 3வது நாளான இன்று ரிக்கிப் பாண்டிங் 7 ஸ்போர்ட்ஸ் சேனலுக்காக வர்ணனையாளராக செயல்பட்டு வந்தார்.
உடல்நலக்குறைவு
அப்போது திடீரென நெஞ்சு வலி ஏற்பட்ட ரிக்கிப் பாண்டிங், அறையிலேயே தடுமாறியுள்ளார். இதனை பார்த்த அதிகாரிகள் அவரை உடனடியாக ஆம்புலன்ஸ் மூலம் மருத்துவமனைக்கு கொண்டு சென்றனர். அங்கு அவருக்கு தீவிர சிகிச்சை அளிக்கப்பட்டு வருவதாக தெரிகிறது. இன்னும் உடல்நிலை குறித்து முதற்கட்ட தகவல் கூட வெளியாகததால் ரசிகர்கள் கவலையில் உள்ளனர்.
துரத்தும் நெஞ்சு வலி
கடந்த சில ஆண்டுகளாக ஆஸ்திரேலிய முன்னாள் வீரர்களை நெஞ்சு வலி என்பது துரத்தி வருகிறது. இந்தாண்டு மிகப்பெரிய ஜாம்பவான்களான ஷேன் வார்னே மற்றும் ராட் மார்ஷ் ஆகிய இருவரும் நெஞ்சு வலி காரணமாக உயிரிழந்தனர். டீன் ஜோன்ஸும் கடந்த செப்டம்பர் மாதம் நெஞ்சுவலி காரணமாக உயிரிழந்தார்.
அட்டகாச ரெக்கார்ட்
இதுகுறித்து பேசியுள்ள சேனல் 7 அதிகாரி ஒருவர், ரிக்கிப்பாண்டிங்கிற்கு உடல்நலக்குறைவு ஏற்பட்டுள்ளது, அவர் இந்த தொடரில் இனியும் வர்ணனை செய்வாரா என்பது சந்தேகம் தான் எனக்கூறினார். ரிக்கிப் பாண்டிங் இதுவரை 168 டெஸ்ட் போட்டிகளில் விளையாடி 13,378 ரன்களை அடித்துள்ளார். இதே போல 375 ஒருநாள் போட்டிகளில் 13,704 ரன்களும் விளாசியுள்ளார். இதில் 30 சதங்களும், 82 அரைசதங்களும் அடங்கும்.