தோனியுடன் இணைந்த ரிஷப் பண்ட்.. இலங்கை டெஸ்ட் தொடருக்காக தல உடன் பிரத்யேக பயிற்சி

ராஞ்சி: இந்திய விக்கெட் கீப்பர் பேட்ஸ்மேன் ரிஷப் பந்த், இலங்கைக்கு எதிரான வரவிருக்கும் இரண்டு போட்டிகள் கொண்ட டெஸ்ட் தொடருக்காகத் தயாராகி வருகிறார். இதன் ஒரு பகுதியாக, ராஞ்சியில் இந்தியாவின் முன்னாள் கேப்டன் எம்.எஸ். தோனியுடன் இணைந்து அவர் தீவிரப் பயிற்சி மேற்கொண்டார்.

ராஞ்சியில் உள்ள ஒரு உடற்பயிற்சிக் கூடத்தில் பந்த் மற்றும் தோனி இணைந்து பயிற்சி செய்யும் புகைப்படம் ஒன்றை இந்தியாவின் முன்னாள் சுழற்பந்து வீச்சாளர் ஷாபாஸ் நதீம் பகிர்ந்துள்ளார். இதில் தோனி நீல நிற ட்ராக்சூட்டிலும், பந்த் கருப்பு நிற டி-சர்ட் மற்றும் ஷார்ட்ஸ் அணிந்தும் காணப்படுகின்றனர்.

இந்தப் புகைப்படத்தை சமூக ஊடகங்களில் பகிர்ந்துள்ள நதீம், "இந்திய கிரிக்கெட்டின் சிறந்த ஃபினிஷர்களில் இருவர் பண்ட் மற்றும் தோனி பாய்" என்று குறிப்பிட்டுள்ளார்.பந்த் தற்போது இந்தியாவின் வெள்ளை-பந்து கிரிக்கெட் அணியில் இடம் பெறவில்லை என்றாலும், ஷுப்மன் கில் தலைமையிலான டெஸ்ட் அணியில் தொடர்ந்து முக்கிய அங்கமாக இருந்து வருகிறார்.

ஆட்டிடியூட் காரணமாக அணியிலிருந்து நீக்கப்பட்டேன்.. ஆனால் அது பற்றி எனக்கு தெரியாது- ஹர்திக்

லக்னோ சூப்பர் ஜெயண்ட்ஸ் அணியுடனான ஏமாற்றமளிக்கும் ஐபிஎல் 2026 சீசனுக்குப் பிறகு, 28 வயதான பந்த் இந்த இலங்கை தொடரை எதிர்கொள்கிறார். அந்த அணியை வழிநடத்திய பந்த், 28.36 சராசரி மற்றும் 138.05 ஸ்ட்ரைக் ரேட்டுடன் 312 ரன்கள் மட்டுமே எடுத்தார். மேலும் எல்எஸ்ஜி அணி புள்ளிப்பட்டியலில் கடைசி இடத்தைப் பிடித்தது.

பந்த் கடைசியாக ஜூன் மாதம் முல்லன்பூரில் ஆப்கானிஸ்தானுக்கு எதிராக நடைபெற்ற இந்தியாவின் ஒரே ஒரு டெஸ்ட் போட்டியின் போது விளையாடினார்.தற்போது நடைபெற்று வரும் உலக டெஸ்ட் சாம்பியன்ஷிப் சைக்கிளில் இந்திய அணிக்கு தவறுகளைத் திருத்திக் கொள்ள மிகக் குறைந்த வாய்ப்பே உள்ளது. இறுதிப் போட்டிக்கு முன்னேறும் வாய்ப்பைத் தக்க வைத்துக் கொள்ள, மீதமுள்ள ஒன்பது டெஸ்ட் போட்டிகளில் ஏழில் இந்தியா வெற்றி பெற வேண்டும்.

நீ இல்லமா உலககோப்பை அணியா? அவரிடம் பேசி விளையாட வைப்பேன்.. அஸ்வின் சூளுரை

எனவே, வரவிருக்கும் இலங்கைக்கு எதிரான உள்நாட்டு டெஸ்ட் தொடர் இந்தியாவிற்கு மிக முக்கியமானது. நியூசிலாந்துக்கு எதிரான சவாலான சுற்றுப்பயணத்திற்கு முன்பாக, இலங்கைக்கு எதிரான தொடரை 2-0 என முழுமையாகக் கைப்பற்ற இந்தியா இலக்கு வைத்துள்ளது.