IPL 2026: பிளே ஆப்க்கு சென்ற ராஜஸ்தான் அணிக்கு சோகம்.. கேப்டன் ரியான் பராக் போட்ட குண்டு

ராஜஸ்தான் ராயல்ஸ் அணியின் கேப்டன் ரியான் பராக், ஐபிஎல் 2026 பிளேஆஃப் சுற்றுக்குத் தகுதி பெற்ற பிறகு, தான் "நிச்சயமாக உடற்தகுதியுடன் இல்லை" என்று வெளிப்படையாகத் தெரிவித்துள்ளார். மும்பை இந்தியன்ஸ் அணிக்கு எதிராக 30 ரன்கள் வித்தியாசத்தில் தங்கள் அணி வெற்றி பெற்ற நிலையில், தான் ஒரு ஆட்டத்தில் கூட விளையாடியிருக்கக் கூடாது என அவர் குறிப்பிட்டுள்ளார். இவரது இந்த அறிவிப்பு ரசிகர்களிடையே ஆச்சரியத்தை ஏற்படுத்தியுள்ளது.

மும்பை இந்தியன்ஸுக்கு எதிராக அவர் விளையாடியது தனது “மன உறுதி” காரணமாகவே விளையாடினேன் என்று பராக் கூறியுள்ளார். போட்டி முடிந்த பிறகு இதை மறுபடியும் உறுதிபடுத்திய பராக், “நான் நிச்சயமாக உடற்தகுதியுடன் இல்லை. இது அனைத்தும் மன உறுதிதான். நான் இன்று விளையாடியிருக்கக் கூடாது. நான் வேறு எந்த ஆட்டத்திலும் விளையாடியிருக்கக் கூடாது” என்று திட்டவட்டமாகத் தெரிவித்தார்.

ரியான் பராக் ஐபிஎல் 2026 இல் ஏற்கனவே இரண்டு ஆட்டங்களில் விளையாடவில்லை. தொடையில் ஏற்பட்ட தசைநார் காயம் (hamstring injury) காரணமாக ராயல் சேலஞ்சர்ஸ் பெங்களூரு (RCB) மற்றும் லக்னோ சூப்பர் ஜெயன்ட்ஸ் (LSG) அணிகளுக்கு எதிரான போட்டிகளில் அவர் பங்கேற்கவில்லை. அவர் இல்லாத நிலையில், யஷஸ்வி ஜெய்ஸ்வால் ராஜஸ்தான் ராயல்ஸ் அணிக்கு தலைமை தாங்கினார்.

IPL 2026: ஹர்திக் பாண்டியா கேப்டன்ஷி சரியில்லை.. மும்பை தோல்விக்கு குறித்து கோட்ச் பொலார்ட் தடாலடி

தசைநார் காயங்கள், அதன் தீவிரத்தைப் பொறுத்து, சில நாட்கள் முதல் பல மாதங்கள் வரை குணமாகும். காயத்தின் சரியான தன்மையையோ அல்லது அதன் தீவிரத்தையோ ராஜஸ்தான் ராயல்ஸ் அணி இதுவரை உறுதிப்படுத்தவில்லை. பராக் RCB போட்டிக்கு வரவில்லை, பின்னர் அடுத்த போட்டிக்கு திரும்பி வந்தபோது, ஒரு சிறிய பிரச்சனை போல் தோன்றியது. ஆனால், அவரது சமீபத்திய கருத்துக்கள் வேறுவிதமாக உள்ளன.

"நான் பல துணிச்சலான முடிவுகளை எடுத்துள்ளேன்," என்று பராக் போட்டிக்குப் பிறகு தன்னைப் பாராட்டிக் கொண்டார். இந்த சீசனில் தான் எடுத்த பல துணிச்சலான முடிவுகள் தனது தலைமைத்துவ பாணிக்கு ஏற்பவே அமைந்ததாக அவர் விளக்கினார். விமர்சனங்களுக்கு அப்பால், தனது அணுகுமுறையே வெற்றிகளுக்கு காரணம் என்றும் அவர் குறிப்பிட்டார்.

“இப்படித்தான் நான் தலைமை தாங்க விரும்புகிறேன். அசாம் அணிக்கும் இப்படித்தான் நான் தலைமை தாங்குகிறேன். வாய்ப்புகளைப் பயன்படுத்திக் கொள்ள வேண்டும்; இது ஒரு சூதாட்டம் அல்ல. நிச்சயமாக, நீங்கள் அதைப் பற்றி நிறைய யோசிக்கிறீர்கள். எண்களை விட உள்ளுணர்வுக்குத்தான் எப்போதும் முக்கியத்துவம் தர வேண்டும்.” தனது இந்த அணுகுமுறை வெற்றிக்கு வழிவகுத்ததாக அவர் தெரிவித்தார்.

“இது கடினம்தான், ஆனால் பிரிஜேஷ் ஷர்மா மற்றும் யஷ் ராஜ் புஞ்சா ஆகியோருக்குத்தான் முழுப் பாராட்டுகளும்” என்று பராக் தெரிவித்தார். “நான் பொதுவாக அவர்களைப் பாராட்ட மாட்டேன், அதனால் அவர்கள் அகங்காரமாக மாற மாட்டார்கள். ஆனால் இன்றிரவுக்குப் பிறகு அவர்கள் அதற்குத் தகுதியானவர்கள் என்று நினைக்கிறேன்.” தனக்கு ஆதரவாக இருந்தவர்களுக்கு அவர் மனம் திறந்து நன்றி கூறினார்.

IPL 2026 பிளே ஆஃப் சுற்று அட்டவணை விவரம்.. யார் எந்த அணியுடன் மோதுகிறார்கள்? எலிமினேட்டர் எப்போது?

அணி பிளேஆஃப்களுக்கு தகுதி பெற்றது குறித்து அவர், “நாங்கள் மிக முன்னதாகவே தகுதி பெற்றிருக்க வேண்டும். சற்று தாமதமாக்கிவிட்டோம். நிறைய விஷயங்களை கவனிக்காமல் விட்டுவிட்டோம். கடந்த மூன்று ஆட்டங்களாக நாங்கள் குறைபாடுகளை சரிசெய்து வருகிறோம். எங்கள் தவறுகளிலிருந்து கற்றுக்கொண்டு சிறந்த ஆட்டத்தை வெளிப்படுத்துவோம் என்று நம்புகிறேன்” என்று நம்பிக்கையுடன் கூறினார்.