இத கேட்டீங்களா..? பும்ரா பவுலிங்ல ராக்கெட் சயின்சே இருக்கு.. ஐஐடி புரொபசர் கண்டுபிடித்த மேஜிக்

பும்ராவின் ரசிகன்

மும்பை கேப்டன் ரோகித்தும் பும்ரா எங்கள் சொத்து என பாராட்டினார். ஒரு முறை நிகழ்ச்சி ஒன்றில் பேசிய ஆஸ்திரேலிய முன்னாள் வேகப்பந்துவீச்சாளர் மெக்ராத் , தான் இந்திய பந்து வீச்சாளர் பும்ராவின் தீவிர ரசிகன் என்று தெரிவித்தார்.

பேராசிரியர் விளக்கம்

இந்நிலையில் பும்ராவின் பந்துவீச்சுக்கு பின்னால் ஒரு ராக்கெட் சைன்ஸ் இருப்பதாக ஐஐடி கான்பூர் பேராசியர் சஞ்சய் மிட்டல் தெரிவித்துள்ளார். இது குறித்து அவர் சில சமன் பாடுகளை முன்வைத்து விளக்கமும் கூறியுள்ளார்.

மேக்னஸ் விளைவு

அவர் கூறியிருப்பதாவது: பும்ரா வீசும் பந்துகளில் ஆராய்ச்சி செய்த போது பல முக்கிய விஷயங்கள் தெரிய வந்திருக்கின்றன. அவர் பந்து வீசும் போது அதன் வேகம், அப்போது அவரின் உடல் வடிவ நிலை, பந்து சுழன்று செல்லும் விதம் எல்லாம் சேர்ந்து மேக்னஸ் விளைவு ஏற்படுகிறது.

எதிரணியினர் திணறல்

அதன் மூலம் பும்ரா வீசும் பந்தின் கீழ்நோக்கிய விசையானது துல்லியமாக முடுக்கி விடப் படுகிறது. அதனால் எதிரணி பேட்ஸ்மேன்கள் ரன் அடிக்க முடியாமல் திணறுகின்றனர். பந்துகளும், திடீரென பவுன்சர்களாக மாறவும் இதுவே காரணம் என்று விளக்கம் தெரிவித்துள்ளார்.