வழுக்கி விழுந்து.. பௌலரை மிரள வைத்து.. கடைசி ஓவரில் காமெடி சிக்ஸ் அடித்த ஜடேஜா!

முதல் பந்து

கடைசி ஓவரில் 18 ரன்கள் எடுத்தால் வெற்றி என்ற நிலையில் சென்னை அணியில் ஜடேஜா - தோனி களத்தில் இருந்தனர். முதல் பந்தை ஜடேஜா சந்தித்தார். பென் ஸ்டோக்ஸ் பந்தை அவுட்சைடு ஆஃப் திசையில் வீசினார்.

வழுக்கி விழுந்தார்

ஜடேஜா பந்தை அடிக்க முற்பட்ட போது கால் தடுமாறி வழுக்கி விழுந்தார். எனினும், நேர் திசையில் ஸ்டோக்ஸ் தலைக்கு மேல் பந்தை அலேக்காக தூக்கி அடித்தார். ஜடேஜா கீழே விழுந்து, மேலே சென்ற பந்தை பார்த்துக் கொண்டு இருந்தார்.

மிரண்ட பென் ஸ்டோக்ஸ்

இதைக் கண்ட பென் ஸ்டோக்ஸ், என்னவோ, ஏதோ என மிரண்டு அவரும் கீழே விழுந்து விட்டார். ஆனால், பறந்து சென்ற பந்து அதற்குள் பவுண்டரி எல்லையை தொட்டு சிக்ஸ் ஆனது. என்னப்பா நடந்தது என புரிந்து கொள்ளவே அனைவருக்கும் சில வினாடிகள் ஆனது.

காமெடி சிக்ஸ்

எதிர்முனையில் இருந்த தோனி, ஜடேஜா அடித்த காமெடி சிக்ஸ்-ஐ பார்த்து சிரித்துக் கொண்டே வந்து அவர் தலையில் செல்லமாக பேட்டால் அடிப்பது போல பாவனை செய்தார். ஜடேஜா அடித்த இந்த சிக்ஸ் ஐபிஎல் வரலாற்றில் பொறிக்கப்படும் என்பதில் சந்தேகமே இல்லை.