ஒரு சச்சினை வீட்டுக்கு அனுப்பிட்டு இன்னொரு சச்சினை நாட்டுக்கு அனுப்பிய 'கடவுள்'...!

ஏற்கனவே பிரபலம்தான்

பிருத்வி ஷா ஏற்கனவே மும்பையில் பிரபலமான பொடியர்தான். இவரது பேட்டிங் ஏற்கனே சிலாகிக்கப்பட்டு வருகிறது.

546 ரன்களைக் குவித்து மேலும் பிரபலம்

ஆனால் தற்போது ஹாரிஸ் ஷீல்டு போட்டியில் அவர் அதிரடியாக 546 ரன்களைக் குவித்த அத்தனை பேரையும் அவர் பக்கம் திரும்பிப் பார்க்க வைத்து்ளது.

இதுதான் பெரிய ஸ்கோராம்

ஹாரிஸ் ஷீல்டு தொடரில் இதுவரை ஒரு வீரர் குவித்த தனிப்பட்ட அதிகபட்ச ஸ்கோர் இதுதானாம். இதற்கு முன்பு அர்மான் ஜாபர் என்பவர் 473 ரன்களைக் குவித்ததே அதிகபட்ச ஸ்கோராக இருந்தது.

மும்பை 16 அணியின் கேப்டன்

பிருத்வி, 16 வயதுக்குட்பட்டோருக்கான மும்பை அணியின் கேப்டானாகவும் உருவெடுத்துள்ளார்.

அடின்னா அடி.. அப்படி ஒரு அடி

பிருத்வி பேட்டிங்கில் பின்னி எடுத்ததை மைதானத்தில் கூடியிருந்தோர் வியப்புடன் பார்த்து ரசித்தனர். மொத்தம் 85 பவுண்டரிகளை விளாசினார் பிருத்வி.

330 பந்துகளில் 546 ரன்கள்

மொத்தம் 367 நிமிடங்கள் ஆடி, 330 பந்துகளைச் சந்தித்து, 85 பவுண்டரிகள், 5 சிக்ஸர்களுடன் 546 ரன்களைக் குவித்து அவுட்டானார் பிருத்வி.

இங்கிலாந்திலும் ஆடியுள்ளாராம்

பிருத்வி, இங்கிலாந்திலும் ஆடியுள்ளாராம். அங்கு கிளவுசெஸ்டர்ஷயர் 2 அணிக்காக ஆடியுள்ளார்.

பிருத்விக்கு 16 வயது வரும்போதுதான் தெரியும்.. அவருக்கு ராசி இருக்கிறதா என்று.. சச்சினுக்குக் கூட 16 வயதில்தானே இந்திய அணியில் இடம் கிடைத்தது.