விராட் கோலியின் ஓய்வு எப்போது?..பாக். ஜாம்பவான் சாஹித் அஃப்ரிடி கூறிய கருத்து.. ரசிகர்கள் நெகிழ்ச்சி

விராட் கோலியின் கம்பேக்

இப்படி விராட் கோலி நல்ல கம்பேக் கொடுத்த போதும், பிசிசிஐ முக்கிய முடிவை எடுத்துள்ளது. 33 வயதாகும் விராட் கோலி ஏற்கனவே நிறைய போட்டிகளில் விளையாடிவிட்டார். இனியும் அவர் 3 வடிவ கிரிக்கெட்டிலும் தொடர்ச்சியாக விளையாடினால், ஃபார்ம் அவுட்டாகிவிடுவார் என்பதால் டி20ல் இருந்து ஓய்வு பெற அறிவுறுத்தவுள்ளதாக தகவல் வெளியாகியுள்ளது.

அஃப்ரிடி அட்வைஸ்

இந்நிலையில் கோலியின் ஓய்வு குறித்து பாக். முன்னாள் வீரர் சாஹீன் அஃப்ரிடி முக்கிய அட்வைஸை கொடுத்துள்ளார். அதில், விராட் கோலி தனது ஆரம்ப காலத்தில் விளையாடிய விதம் எனக்கு இன்றும் ஞயாபகம் உள்ளது. அவர் ஒரு சாம்பியன். எனவே புகழின் உச்சியில் இருக்கும் போது தான் அவர் ஓய்வு பெறுவார் என்பதில் எனக்கு அதிக நம்பிக்கை உள்ளது.

ஆக்ரோஷ ஆட்டம்

அணியில் இருந்து கழட்டிவிடுவது, ஃபார்ம் அவுட்டாக இருப்பது போன்ற காரணங்களுக்காக ஓய்வு பெறுவது சரியான முடிவு கிடையாது. இதுபோன்று இல்லாமல், விராட் கோலி தனக்கே உரிய ஸ்டைலில் விராட் கோலி மிகவும் ஆக்ரோஷமான ஆட்டத்துடன் தனது பயணத்தை முடிப்பார் என அஃப்ரிடி கூறியுள்ளார்.

கோலி பயணம்

கடந்த 2008ம் ஆண்டு இந்திய அணிக்காக அறிமுகமான விராட் கோலி, இதுவரை 102 டெஸ்ட், 262 ஒருநாள் போட்டிகள் மற்றும் 104 டி20 போட்டிகளில் விளையாடியுள்ளார். இதுவரை 72 சதங்களுடன் மொத்தமாக 24,000 ரன்களை கடந்து அசைக்க முடியாத புகழில் விராட் கோலி இருப்பது குறிப்பிடத்தக்கது.