“சிஎஸ்கே-வுக்கு போறேன்”.. தமிழக வீரர் சாய் கிஷோர் குஜராத்திடம் அணி மாற்ற கோரிக்கை விடுத்ததாக தகவல்

By Aravinthan

Published: Wednesday, July 8, 2026, 10:03 [IST]

சென்னை: குஜராத் டைட்டன்ஸ் அணியில் இடம் பெற்று இருக்கும் தமிழகத்தைச் சேர்ந்த இடதுகை சுழற்பந்து வீச்சாளர் ஆர். சாய் கிஷோர் சென்னை சூப்பர் கிங்ஸ் அணியில் இணைய விருப்பம் தெரிவித்துள்ளதாகப் தகவல்கள் வெளியாகியுள்ளன. 2027 ஐபிஎல் தொடருக்கான வீரர்களை மாற்றிக்கொள்ளும் காலம் தற்போது துவங்கி உள்ளது. எனவே, இந்த காலகட்டத்தில் வீரர்களை ஐபிஎல் அணிகள் தங்களுக்குள் மாற்றிக் கொள்ளலாம் என்பதால் சாய் கிஷோர் சிஎஸ்கே அணிக்கு மாற வாய்ப்பு உள்ளது.

சுப்மன் கில் தலைமையிலான குஜராத் அணியில் தமக்குத் தொடர்ந்து போதுமான பந்துவீச்சு வாய்ப்புகள் கிடைக்காததால் சாய் கிஷோர் அதிருப்தியில் உள்ளார். கடந்த 2026 ஐபிஎல் தொடரில் அவர் 3 போட்டிகளில் மட்டுமே விளையாடினார். 2025-ம் ஆண்டைத் தவிர மற்ற எந்தவொரு சீசனிலும் அவர் 5 போட்டிகளுக்கு மேல் விளையாடியதே இல்லை. இது குறித்துப் பேசிய சாய் கிஷோர், "நான் மிகவும் கடுமையாக உழைத்துத் தயாராகியிருந்தேன், ஆனால் எனக்கு வாய்ப்புகள் கிடைக்காதது மிகுந்த ஏமாற்றமளிக்கிறது" என்று தனது குமுறலை வெளிப்படுத்தியுள்ளார்.

Sai Kishore to CSK Tamil Nadu Spinner Makes Big Trade Request to Gujarat Titans

ஐபிஎல் தொடரின் 'இம்பாக்ட் பிளேயர்' விதிமுறை காரணமாக சாய் கிஷோரின் ஆட்ட வாய்ப்புகள் கடுமையாகப் பாதிக்கப்பட்டுள்ளன. சென்னை சூப்பர் கிங்ஸ் அணியில் தற்போது ஒரு வலுவான இந்திய சுழற்பந்து வீச்சாளர் இல்லாத நிலையில், சாய் கிஷோர் சிஎஸ்கே அணியில் இணைய குஜராத் டைட்டன்ஸ் நிர்வாகத்திடம் கோரிக்கை விடுத்துள்ளதாகத் தெரிகிறது. கடந்த சீசனில் சிஎஸ்கே அணி 6 வெற்றிகளுடன் புள்ளிப்பட்டியலில் 8-வது இடத்தை மட்டுமே பிடிக்க முடிந்தது என்பது குறிப்பிடத்தக்கது.

சாய் கிஷோரைத் தவிர மேலும் சில முக்கிய டிரேடிங் தகவல்களும் வெளியாகி வருகின்றன. டெல்லி கேபிடல்ஸ் அணிக்கு ரிஷப் பண்ட் திரும்பவுள்ளார் என்றும், லக்னோ சூப்பர் ஜெயண்ட்ஸ் அணிக்கு குல்தீப் யாதவ் செல்லவுள்ளார் என்றும் கூறப்படுகிறது. அதேபோல், மும்பை இந்தியன்ஸ் அணியின் கேப்டன் ஹர்திக் பாண்டியா கொல்கத்தா நைட் ரைடர்ஸ் அல்லது ராஜஸ்தான் ராயல்ஸ் அணிக்கு மாற வாய்ப்புள்ளதாகத் தெரிகிறது. இந்த சீசனில் 10 போட்டிகளில் விளையாடிய பாண்டியா, 206 ரன்கள் மட்டுமே எடுத்து 4 விக்கெட்டுகளை மட்டுமே வீழ்த்தியிருந்தார் என்பது குறிப்பிடத்தக்கது.

IND vs ENG: கம்பீர் செய்த செயல்.. லைவ் மேட்ச்சிலேயே ஆவேசமான தினேஷ் கார்த்திக்.. என்ன நடந்தது?

இந்த டிரேடிங் தகவல்கள் குறித்து குஜராத் டைட்டன்ஸ் அல்லது சிஎஸ்கே அணி நிர்வாகங்கள் இதுவரை அதிகாரப்பூர்வமாக எந்த அறிவிப்பும் வெளியிடவில்லை என்றாலும், சாய் கிஷோரின் சிஎஸ்கே வருகை சென்னை ரசிகர்களிடையே பெரும் எதிர்பார்ப்பை ஏற்படுத்தியுள்ளது.