IPL 2026: மீண்டும் மீண்டுமா? சாய் சுதர்சனுக்கு தேஜாவு.. ஒரே மாதிரி அவுட்டாகி சர்ச்சை

ஐபிஎல் 2026 தகுதிச்சுற்று 2 பிளேஆஃப் போட்டியில் ராஜஸ்தான் ராயல்ஸ் அணிக்கு எதிராக குஜராத் டைட்டன்ஸ் வீரர் சாய் சுதர்சன் மீண்டும் ஒரு முறை 'ஹிட்-விக்கெட்’ முறையில் ஆட்டமிழந்து ரசிகர்களை அதிர்ச்சி அடைய வைத்துள்ளார். . PCA ஸ்டேடியத்தில் நடைபெற்ற இந்த ஆட்டத்தில், 32 பந்துகளில் 58 ரன்கள் எடுத்திருந்த சாய் சுதர்சன், தனது பேட்டால் ஸ்டம்புகளை இடித்து ஆட்டமிழந்தார்.

முதல் தகுதிச்சுற்றுப் போட்டியில் ராயல் சேலஞ்சர்ஸ் பெங்களூருவுக்கு எதிராக இதேபோன்ற முறையில் வெளியேறிய நிலையில், தொடர்ந்து 2வது முறையாக இதே போல் அவுட்டானார். சமூக வலைத்தளங்களில் சாய் சுதர்சனின் இந்த விசித்திரமான ஆட்டமிழப்புகள் பெரும் விவாதப் பொருளாகின.

கடந்த இரண்டு ஆண்டுகளில் மூன்று முறை இவ்வாறு ஹிட்-விக்கெட் ஆகிவிட்டார்" என்று பதிவிட்டு, சுதர்சனனைப் "துரதிர்ஷ்டசாலி பேட்ஸ்மேன்" எனப் பலரும் வர்ணித்தனர்.போட்டியில் டாஸ் வென்ற ராஜஸ்தான் ராயல்ஸ் முதலில் பேட்டிங்கைத் தேர்ந்தெடுத்தது. ஆனால், அவர்களின் தொடக்கம் மிரட்டலாக இல்லை. முகமது சிராஜ் முதல் ஓவரிலேயே யஷஸ்வி ஜெய்ஸ்வாலை ஒரு ரன்னில் வெளியேற்றினார்.

வைபவ் சூர்யவன்ஷி மீண்டும் உலக சாதனை.. ஐபிஎல் வரலாற்றில் 15 வயதில் அபாரம்.. இன்று படைத்த 2 ரெக்கார்ட்

தொடர்ந்து, இரண்டாவது ஓவரில் ககிசோ ரபாடா, துருவ் ஜூரேலை 6 பந்துகளில் 7 ரன்களுடன் பெவிலியனுக்கு அனுப்ப, ராயல்ஸ் அணி தடுமாறியது. இதன் பிறகு, ரவீந்திர ஜடேஜா மற்றும் வைபவ் சூர்யவன்ஷி இருவரும் இணைந்து ராஜஸ்தான் ராயல்ஸ் அணியின் இன்னிங்ஸை ஸ்திரப்படுத்தினர். இந்த இடது கை ஜோடி பவுண்டரிகளை விளாசி பதிலடி கொடுத்தது.

எனினும், 19 பந்துகளில் 34 ரன்கள் எடுத்திருந்த நிலையில், ஜடேஜா காயம் காரணமாக ஓய்வு பெற்றார். அவருக்குப் பதிலாக வந்த கேப்டன் ரியான் பராக் 6 பந்துகளில் 11 ரன்கள் எடுத்து ஜேசன் ஹோல்டரிடம் தனது விக்கெட்டை இழந்தார்.ஜேசன் ஹோல்டர் தொடர்ந்து விக்கெட்டுகளை வீழ்த்தினார். தசுன் ஷனாகா (3 ரன்கள்) ஹோல்டர் பந்தில் ஆட்டமிழக்க, பிரசித் கிருஷ்ணா பந்தில் ஜோஃப்ரா ஆர்ச்சர் (4 பந்துகளில் 7 ரன்கள்) அவுட்டானார்.

பின்னர், சிகிச்சை பெற்று திரும்பிய ஜடேஜா, மீண்டும் சூர்யவன்ஷியுடன் இணைந்து இன்னிங்ஸை வலுப்படுத்தினார். சாய் சுதர்சனால் 46 ரன்களில் கைவிடப்பட்ட சூர்யவன்ஷி, அதைப் பயன்படுத்தி மற்றொரு அரை சதத்தைப் பதிவு செய்தார். இந்த இடது கை ஜோடி மேலும் 52 ரன்களைச் சேர்த்த பிறகு, ரபாடா சூர்யவன்ஷியின் 47 பந்துகளில் 96 ரன்கள் என்ற அபார இன்னிங்ஸை முடிவுக்குக் கொண்டுவந்தார்.

பின்னர், டோனோவன் ஃபெரேராவின் 11 பந்துகளில் 38 ரன்கள் மற்றும் ஜடேஜாவின் ஆட்டமிழக்காத 45 ரன்கள் (35 பந்துகள்) உதவியுடன் ராஜஸ்தான் ராயல்ஸ் நிர்ணயிக்கப்பட்ட 20 ஓவர்களில் 6 விக்கெட்டுக்கு 214 ரன்கள் என்ற சவாலான இலக்கை எட்டியது.15 ரன்கள் என்ற பெரிய இலக்கைத் துரத்திய குஜராத் டைட்டன்ஸ் அணிக்கு சாய் சுதர்சன் மற்றும் ஷுப்மன் கில் வெற்றிகரமான தொடக்கத்தைக் கொடுத்தனர்.

இருவரும் பவுண்டரிகளை விளாசி ரன்ரேட்டைக் கட்டுக்குள் வைத்தனர். இருவரும் வேகமாக அரை சதங்களைப் பூர்த்தி செய்ய, குஜராத் டைட்டன்ஸ் பாதி ஓவர்களிலேயே சதம் கடந்து வேகமாக முன்னேறியது. இந்த இணை 167 ரன்கள் என்ற பிரம்மாண்டமான தொடக்க பார்ட்னர்ஷிப்பை அமைத்தது.

IPL 2026: 153 கிமீ. வேகத்தில் பந்துவீசிய ரபாடா.. சிக்சர் பறக்கவிட்டு வைபவ் சூர்யவன்ஷி மிரட்டல்

இந்த மாபெரும் கூட்டணிக்குப் பிறகுதான் சாய் சுதர்சனின் விசித்திரமான ஆட்டமிழப்பு நிகழ்ந்தது. அதன்பிறகும் ஷுப்மன் கில் தனது அதிரடியைத் தொடர்ந்தார். கேப்டனாக முன்னின்று 53 பந்துகளில் 109 ரன்கள் குவித்து அபார சதம் அடித்த அவர், ஜோஃப்ரா ஆர்ச்சரிடம் தனது விக்கெட்டை இழந்தார். இந்த ஆட்டம் ரசிகர்களிடையே பெரும் பரபரப்பை ஏற்படுத்தியது.