மோகித் சேட்டைகள்
கலகலப்பான சென்னை அணியில் ஹர்பஜன், ரெய்னா போன்று அனைவரையும் கலாய்க்கும் நபர் மோகித் சர்மா. தோனியின் மனைவி சாக்ஷி, ஜடேஜா என எல்லாரையும் கலாய்த்து தள்ளும் அவரது சேட்டைகள் அடங்கிய வீடியோக்கள் தான் இப்போ வைரல்.
|
குறும்பு கேள்விகள்
சாக்ஷி தோனி, கரண் சர்மா, ஜடேஜா மற்றும் மோனு குமாரிடம் குறும்புத் தனமாக கேள்விகளை கேட்கிறார் மோகித் சர்மா. அதில், சாக்ஷி தோனியிடம் 100ல் இருந்து பத்தை எத்தனை முறை கழிக்கலாம் என்று கேள்வி கேட்கிறார்.
சொதப்பும் சாக்ஷி
அதற்கு சாக்ஷியோ 100 முறை என்று முதலில் பதில் சொல்கிறார். பின்னர் யோசித்து... இல்லை இல்லை 10 முறை என்று சொதப்பி தள்ளுகிறார். ஆனால் அந்த பதிலை ஏற்காக மோகித்தோ, ஒரு முறை தான் என்று கூறுகிறார்.
மடக்கும் மோகித்
100ல் இருந்து 10ஐ கழித்தால் 90 தானே இருக்கும். பிறகு எப்படி 100ல் இருந்து கழிக்க முடியும் என்று சாக்ஷியை கேட்டு வியக்க வைக்கிறார் மோகித்.
யாருக்கு முட்டை?
அதே போல் ஜடேஜாவை அவர் விட்டுவிடவில்லை. அவரிடம் உங்கள் வீட்டு கோழி பக்கத்து வீட்டில் முட்டை போட்டால் அந்த முட்டை யாருக்கு சொந்தம் என்று கேட்கிறார். அப்படி, இப்படி என யோசிக்கும் ஜடேஜாவோ... கோழிக்கு தானே சொந்தம் என கூறி அசத்துகிறார்.