லியாண்டர் பயஸ் ஜோடியை வீழ்த்தி அரை இறுதிக்குள் கால் வைத்த சானியா மிர்சா ஜோடி

வெற்றி பெற்ற சானியா ஜோடி

இரண்டாவது செட்டில் ஹிங்கிஸ்- பயஸ் ஜோடியின் சர்வீசை ஆரம்பத்திலேயே தகர்த்த சானியா-டோடிக் ஜோடி அதன் பிறகு தங்களது பிடி தளராமல் கடைசி வரை பார்த்துக் கொண்டதுடன், வெற்றிக்கனியையும் பறித்தது.

அரை இறுதிக்கு தகுதி

73 நிமிடங்கள் நடந்த ஆட்டத்தின் முடிவில் சானியா-டோடிக் கூட்டணி 7-6 (7-1), 6-3 என்ற நேர் செட் கணக்கில் வெற்றி பெற்று அரைஇறுதிக்கு தகுதி பெற்றது.

இன்று நடைபெறும் ஆட்டம்

சானியா மிர்சா, பெண்கள் இரட்டையரில் மார்ட்டினா ஹிங்கிசுடன் கைகோர்த்து அட்டகாசப்படுத்தி வருகிறார். அவரும், ஹிங்கிசும் இன்று நடக்கும் இறுதிசுற்றில் செக்குடியரசின் ஆன்ட்ரியா ஹவக்கோவா- லூசி ஹடெக்கா இணையுடன் மோதுகிறார்கள். இந்த ஆட்டம் இந்திய நேரப்படி காலை 10.30 மணிக்கு தொடங்குகிறது.

சோனியில் பார்க்கலாம்

இந்த ஆட்டம் முடிந்ததும் இந்திய நேரப்படி பிற்பகல் 1 மணிக்கு கலப்பு இரட்டையர் அரை இறுதியில் சானியா-டோடிக் ஜோடி, எலினா வெஸ்னினா (ரஷ்யா)-புருனோ சோரஸ் (பிரேசில்) இணையை சந்திக்கிறது. இதனை சோனி இ.எஸ்.பி.என். சேனல் நேரடி ஒளிபரப்பு செய்ய உள்ளது குறிப்பிடத்தக்கது.