2வது டெஸ்டில் இங்கிலாந்து பேட்டிங்.. பாக்.கை பழி தீர்க்க உதவுவாரா அணிக்கு திரும்பிய ஆன்டர்சன்?

ஆன்டர்சன் திரும்பினார்

காயத்தில் இருந்து மீண்டுள்ள முன்னணி வேகப்பந்து வீச்சாளர் ஜேம்ஸ் ஆண்டர்சன், ஆல் ரவுண்டர் பென் ஸ்டோக்ஸ் ஆகியோர் இன்று களமிறங்கியுள்ளனர். ஐசிசி டெஸ்ட் தரவரிசையில் நம்பர்-1 இடத்தில் இருந்து காயத்தால் 3வது இடத்திற்கு போயுள்ள ஆண்டர்சன் வருகை பாகிஸ்தானை அச்சுறுத்தும் என நம்பலாம்.

யாஷிர் ஷா ஆதிக்கம்

முதல் டெஸ்டில் பாகிஸ்தான் லெக் ஸ்பின்னர் யாஷிர் ஷா இரு இன்னிங்சுகளிலும் சேர்த்து 10 விக்கெட்டுகளை வீழ்த்தினார். பொதுவாக இங்கிலாந்து அணி லெக் ஸ்பின்னில் கடுமையாக திணறும். ஆனால் தற்போது பாகிஸ்தான் அணியில் முகமது ஆமிர், வகாப் ரியாஸ் உள்ளிட்ட வேகப்பந்து வீச்சாளர்களும் நெருக்கடி தருவதால் இங்கிலாந்துபாடு திண்டாட்டம் ஆகியுள்ளது.

பாக். வீரரிடம் தஞ்சம்

இதற்கிடையே சுழற்பந்து வீச்சை சமாளிக்க பாகிஸ்தான் முன்னாள் வீரர் சக்லைன் முஸ்தாக்கை 2வது டெஸ்ட் போட்டிக்கு ஆலோசகராக நியமித்துள்ளது இங்கிலாந்து வாரியம்.

அடி கொடுத்தவரிடம் அபயம்

ஒல்டு டிராபோர்டு மைதானத்தில் கடந்த 2001-ல் நடைபெற்ற டெஸ்ட் போட்டியில் பாகிஸ்தான் அணியிடம் 108 ரன்கள் வித்தியாசத்தில் இங்கிலாந்து தோல்வியை சந்தித்தது. இந்த ஆட்டத்தில் சக்லைன் முஸ்டாக் 74 ரன்களுக்கு 4 விக்கெட் கைப்பற்றி வெற்றிக்கு உதவினார். தற்போது அவரிடம் இங்கிலாந்து அணி உதவி கேட்டுள்ளது.

இங்கிலாந்து பேட்டிங்

இதனிடையே, டாசில் வென்ற இங்கிலாந்து, பேட்டிங்கை தேர்ந்தெடுத்துள்ளது. போட்டி தொடரை சமன் செய்ய இங்கிலாந்தும், முன்னணி வகிக்க பாகிஸ்தானும் வரிந்து கட்டியுள்ளன.