சுரேஷ் ரெய்னாவும், பிரியங்கா செளத்ரியும்... ஒரு "லவ்லி" காதல் கதை..!

நிச்சயதார்த்தம்...

மார்ச் 12ம் தேதி ரெய்னா - பிரியங்காவின் திருமண நிச்சயதார்த்தம் நடந்தது. மீரட்டில் உள்ள காட்வின் ஹோட்டலில் இது நடந்தது.

வங்கிப் பணியாளர்...

பிரியங்கா வங்கிப் பணியாளர் ஆவார். நெதர்லாந்தில் அவர் பணியாற்றி வருகிறார். இவரது சொந்த ஊர் உத்திரப்பிரதேச மாநிலம் பரூத் ஆகும். இருப்பினும் தற்போது குடும்பம் மீரட்டி்தான் வசித்து வருகிறது.

சிறுவயது தோழி...

ரெய்னாவும், பிரியங்காவும் சிறு வயதிலிருந்தே பழகி வருகின்றனர். இவர்களது குடும்பமும் கூட நண்பர்களாகப் பழகி வருகின்றனவாம். உண்மையில் ரெய்னா மற்றும் பிரியங்காவின் அப்பாக்கள் முருத்நகர் ஆயுதத் தொழிற்சாலையில் இணைந்து பணியாற்றியவர்களாம்.

சிறப்பு விருந்தினர்கள்...

இவர்களது திருமண விழாவுக்கு பிரதமர் மோடி, உத்திரப்பிரதேச முதல்வர் அகிலேஷ் யாதவ் ஆகியோரும் அழைக்கப்பட்டுள்ளனராம்.

ஸ்ருதிஹாசன்...

சுரேஷ் ரெய்னா முன்பு நடிகை ஸ்ருதி ஹாசனுடன் நெருங்கிப் பழகியதாக கிசுகிசுக்கப்பட்டது நினைவிருக்கலாம். இருவரும் இணைந்து பல இடங்களில் காணப்பட்டதாக கூட செய்திகள் வெளியாகின. இருப்பினும் இதை இருவரும் மறுத்திருந்தனர்.