தவான் பாவம் விட்டுடுங்க.. இப்படியா பண்ணுவாங்க... சேவாக் செய்த குறும்பு!

தவான் பிறந்த நாள்

இந்திய கிரிக்கெட் வீரர் தவான் நேற்று தனது பிறந்த நாளை கொண்டாடினார். நேற்று அவர் இலங்கைக்கு எதிரான கிரிக்கெட் போட்டியில் விளையாடிக் கொண்டு இருந்ததால் அவருக்கு கூறப்பட்ட வாழ்த்து எதற்கும் பதில் அளிக்கவில்லை. அவர் நேற்று சிறப்பாக விளையாடி 67 ரன்கள் எடுத்தார். பிறந்த நாளில் மிகவும் நன்றாக விளையாடியதால் பலரும் அவருக்கு வாழ்த்து தெரிவித்தனர்.

சேவாக் வாழ்த்து

இந்த நிலையில் சேவாக், தவானுக்கு வாழ்த்து தெரிவித்து இருந்தார். அதில் "பிறந்த நாள் வாழ்த்துகள் ஷிகா. நீங்கள் எந்த மோசமான சூழ்நிலையிலும் இந்திய அணியை நல்ல நிலைக்கு கொண்டு வருவீர்கள். பல வெற்றிக்கு முக்கிய அடித்தளம் இட்டு இருக்கிறீர்கள்.' என்று மிகவும் பாராட்டி உள்ளார். ஆனால் அதே சமயம் அவரைப் போலவே இருக்கும் வேறு ஒரு நபரின் புகைப்படத்தை போட்டு காமெடியும் செய்துள்ளார்.

வித்தியாசமானவர்

இந்த நிலையில் சேவாக்கின் இந்த வாழ்த்து குறித்து பலரும் காமெடியாக கமெண்ட் செய்து வருகின்றனர். அதில் இவர் ''சேவாக் எப்போது எப்படி யாருக்கு பிறந்த நாள் வாழ்த்து சொல்லுவார் என்று தெரியாது. இந்த முறை அவர் வித்தியாசமான புகைப்படம் ஒன்றை வாழ்த்துவதற்கு பயன்படுத்தி இருக்கிறார். அவர் தலைக்குள் என்ன ஓடும் என்று யாராலும் கண்டுபிடிக்க முடியாது'' என்று கூறியுள்ளார்.

இதுக்கு என்ன

சேவாக் தவான் போலவே இருக்கும் நபரின் புகைப்படத்தை வெளியிட்டு உள்ளதால் அவரின் ரசிகர் சேவாக் போலவே இருக்கும் நபரின் புகைப்படத்தை வெளியிட்டு இருக்கிறார். மேலும் இதுக்கு என்ன சொல்லுறீங்க சேவாக் என்றும் கேள்வி கேட்டுள்ளார்.