வாகனங்களின் காதலன் தோனி... கலெக்ஷன் குறித்து வீடியோ வெளியிட்ட சாக்ஷி

கிரிக்கெட்டிலிருந்து விலகல்

இந்தியாவின் முன்னாள் கேப்டன் மகேந்திர சிங் தோனி இரண்டு உலக கோப்பை போட்டிகளில் இந்தியாவை வழிநடத்தியவர். பல்வேறு சாதனைகளுக்கு இந்தியாவை இட்டு சென்றவர்.

பிசிசிஐ பட்டியலில் நீக்கம்

கடந்த உலக கோப்பை அரையிறுதி தோல்விக்கு பிறகு சர்வதேச கிரிக்கெட்டிலிருந்து ஒதுங்கியுள்ள தோனி, பிசிசிஐயின் ஒப்பந்த பட்டியலில் இருந்து நீக்கப்பட்டுள்ளார்.

சாக்ஷி தோனி வீடியோ

இவை குறித்தெல்லாம் கவலை கொள்ளாத தோனி ஒருபுறம் ஐபிஎல் தொடருக்காக பயிற்சி எடுக்க கிளம்பிய நிலையில், அவரது மனைவி சாக்ஷி தோனி, அவரது வாகன ஆர்வம் குறித்த வீடியோவை இன்ஸ்டாகிராமில் பகிர்ந்துள்ளார்.

மறுபதிவு செய்த ரசிகர்கள்

தங்களது பண்ணைவீட்டில் அணிவகுக்கப்பட்டுள்ள இருசக்கர வாகனங்களின் வீடியோ மற்றும் புகைப்படங்களை சாக்ஷி தனது இன்ஸ்டாகிராம் பக்கத்தில் பதிவிட்டுள்ளார். அதை தோனி ரசிகர்கள் மறுபதிவு செய்து வருகின்றனர்.

தோனியின் அழகான ஆர்வம்

தோனியிடம் மற்ற வாகனங்களுடன் பெராரி 599 ஜிடிஓ, ஹும்மர் ஹெச்2, ஜிஎம்சி சியாரா போன்ற கார்களும், கவாசாகி நிஞ்சா ஹெச்2, கான்பெடரேட் ஹெல்காட், பிஎஸ்ஏ, சுசூகி ஹயபுசா, நார்டன் வின்ட்டேஜ் போன்ற அரியவகை பைக் கலெக்ஷன்களும் உள்ளன.