வார்னேயின் ஆல்-டைம் பெஸ்ட் இந்திய டெஸ்ட் கிரிக்கெட் டீமில் லட்சுமணனுக்கு இடமில்லை!

அதிரடி ஓபனிங்

வார்னே அணியில் வீரேந்திர சேவாக் மற்றும் நவ்ஜோத் சிங் சித்து ஆகியோர் ஓபனர்களாக களமிறங்க விருப்பம் தெரிவித்துள்ளார். சேவாக் 104 டெஸ்டுகளும், சித்து 51 டெஸ்டுகளும் ஆடியுள்ளனர்.

டிராவிட்டுக்கு பின் கங்குலி

ஒன்-டவுன் பேட்ஸ்மேனாக ராகுல் டிராவிட் களமிறங்கவும், அடுத்ததாக சச்சின் களமிறங்கவும் விருப்பம் தெரிவித்துள்ளார் வார்னே. இதில் 5வது இடம் சவுரவ் கங்குலிக்கு.

அசார், கபில்தேவ்

6வது இடத்தில் அசாருதீனும், அதற்கு அடுத்த இடத்தில் கபில்தேவும், 8வது இடத்தில் டோணியும் களமிறங்க வார்னே விருப்பம் தெரிவித்துள்ளார்.

கும்ப்ளே, ஸ்ரீநாத்

9வது இடத்தில் அனில் கும்ப்ளே, 10வது இடத்தில் ஹர்பஜன்சிங், 11வது இடத்தில் ஜவகல் ஸ்ரீநாத் களமிறங்க வார்னே விருப்பம் தெரிவித்துள்ளதோடு, தனது பட்டியல் பற்றி பேஸ்புக்கில் கமெண்ட் எழுதவும் கேட்டுக்கொண்டுள்ளார். இதில் பலரும் முன்னாள் கேப்டன்கள் என்பது குறிப்பிடத்தக்கது.

பெரிய கஷ்டம்

வெங்சர்க்கார், மனோஜ் பிரபாகர், ரவி சாஸ்திரி, ஜாகீர் கான் ஆகியோருடனும் நான் ஆடியுள்ளேன். இருப்பினும் இந்த 12 பேர் கொண்ட அணியை தேர்ந்தெடுப்பதற்குள்ளேயே நான் மிகவும் சிரமப்பட்டுவிட்டேன் என்று வார்னே கூறியுள்ளார். கொல்கத்தா டெஸ்ட் போட்டியை லட்சுமணனும், டிராவிட்டும் இணைந்து ஆஸி. கையில் இருந்து இந்தியா பக்கம் கொண்டுவந்தது குறிப்பிடத்தக்கது.