பார்ரா.. கங்குலிக்கு பிசிசிஐ தலைவர் பதவி கிடைச்சா.. வாட்சனை தலைவராக்கி அழகு பார்க்கும் வீரர்கள்!

190 சர்வதேச ஒருநாள் போட்டிகள்

ஆஸ்திரேலியாவிற்காக 190 ஒருநாள் சர்வதேச போட்டிகள், 59 டெஸ்ட் மேட்ச்கள், 58 டி20 போட்டிகளில் விளையாடியுள்ள ஆஸ்திரேலியாவின் முன்னாள் ஆல்ரவுண்டர் ஷேன் வாட்சன், ஐபிஎல்லில் சென்னை சூப்பர் கிங்க்ஸ் அணிக்காகவும் பல போட்டிகளில் விளையாடியுள்ளார்.

ஆண்டு கூட்டத்தில் முடிவு

38 வயதான ஷேன் வாட்சன், தற்போது ஆஸ்திரேலியாவின் கிரிக்கெட் வீரர்கள் சங்கத் தலைவராக நியமிக்கப்பட்டுள்ளார். இதுகுறித்து அந்த சங்கத்தின் பொதுக்கூட்டத்தில் விவாதிக்கப்பட்டு அறிவிப்பு வெளியிடப்பட்டுள்ளது.

மிகப்பெரிய கடமை காத்துள்ளது

தலைவராக தான் நியமிக்கப்பட்டுள்ளது தனக்கு பெருமையையும் கவுரவத்தையும் அளிப்பதாக ஷேன் வாட்சன் தன்னுடைய டிவிட்டரில் தெரிவித்துள்ளார். மிகப்பெரிய கடமை தனக்காக காத்திருப்பதாகவும் அவர் கூறியுள்ளார்.

ஷேன் வாட்சன் டிவிட்டரில் கருத்து

தலைவர் பொறுப்பு தனக்கு வழங்கப்பட்டுள்ளது தான் மீண்டும் கிரிக்கெட்டிற்கு வருவதற்கு தனக்கு உதவி புரியும் என்று அவர் மேலும் கூறியுள்ளார். மேலும் இது தனக்கு மிகுந்த மகிழ்ச்சியையும் உற்சாகத்தையும் அளிப்பதாகவும் அவர் தெரிவித்துள்ளார்.