வாட்சன் சதம்.. ஒரு சாதனையும் கூட!

கோஹ்லி செய்த தவறால்

உண்மையில் 50 ரன்களில் இருந்தபோது வாட்சன் கொடுத்த அழகான கேட்ச்சை கோஹ்லி தவறவிட்டு விட்டார். அதன் பிறகு வாட்சனின் அதிரடி வேகமடைந்தது.

முதல் சதம்

இதுதான் வாட்சனுக்கு டுவென்டி 20 போட்டிகளில் முதல் சதமாகும். இதற்கு முன்பு இவர் அதிகபட்சமாக 81 ரன்கள் எடுத்திருந்தார்.

10 பவுண்டரி..6 சிக்ஸர்கள்

தனது ஸ்கோரில் 10 பவுண்டரிகளையும், 6 சிக்ஸர்களையும் விளாசியிருந்தார் வாட்சன். அவரது ஸ்டிரைக் ரேட் 174.64 ஆக இருந்தது.

கேப்டனாக சாதனை

இதுவரை ஒரு கேப்டனாக, டுவென்டி 20 போட்டிகளில் தென் ஆப்பிரிக்காவின் பாப் டூபிளசிஸ் போட்ட 119 ரன்களே சாதனையாக இருந்தது. அதை இன்று வாட்சன் முறியடித்தார்.

இந்தியாவுக்கு எதிரான முதல் சதம்

மேலும் இந்தியாவுக்கு எதிராக டுவென்டி 20 போட்டிகளில் போடப்பட்ட முதல் சதம் இதுதான். மேலும், இந்தியாவுக்கு எதிராக டெஸ்ட், ஒரு நாள் போட்டி மற்றும் டுவென்டி 20 போட்டிகளில் சதம் அடித்த முதல் வீரராகவும் வாட்சன் உயர்ந்தார்.

ஏலத்திற்கு முன்பு செம ஆட்டம்

அடுத்த வாரம் ஐபிஎல் வீரர்கள் ஏலம் நடைபெறவுள்ளது. இதில் ஷான் வாட்சனின் அடிப்படை விலையாக ரூ. 2 கோடி நிர்ணயிக்கப்பட்டுள்ளது. இந்த நிலையில் இன்று அவர் அதிரடியாக ஆடியுள்ளது அவருக்கான கிராக்கியை அதிகரிக்கும் என்று எதிர்பார்க்கப்படுகிறது.