வேதனையிலும் ஷிகர் தவான் செய்த சாதனை!

400 ரன்களுக்கு மேல் குவித்த தவான்

ஷிகர் தவான் இந்தத் தொடரில் 449 ரன்களைக் குவித்தார். ஒரு உலகக் கோப்பைத் தொடரில் 400 ரன்களுக்கு மேல் குவித்த நான்காவது இந்தியர் தவான்.

முன்னோடிகள் மூவர்

இவருக்கு முன்பு சச்சின் டெண்டுல்கர், கங்குலி, டிராவிட் ஆகியோர் 400 ரன்களுக்கு மேல் குவித்துள்ளனர்.

99ல் கலக்கிய கங்குலி, டிராவிட்

இதில் கங்குலியும், டிராவிடும் 1999ம் ஆண்டு நடந்த உலகக் கோப்பைத் தொடரில் பிரமாதமாக ஆடிக் கலக்கினர்.

3 முறை குவித்த சச்சின்

மறுபக்கம் சச்சின் 1996, 2003 மற்றும் 2011 ஆகிய மூன்று தொடர்களில் தலா 400க்கும் மேற்பட்ட ரன்களைக் குவித்து அசத்திய சாதனையாளர் ஆவார்.

3 போட்டிகளில் முத்திரை பதித்த தவான்

இந்த உலகக் கோப்பைத் தொடரில் ஷிகர் தவான், பாகிஸ்தான், தென் ஆப்பிரிக்கா மற்றும் அயர்லாந்துக்கு எதிராக சிறப்பாக ஆடினார்.

அரை இறுதியிலும் அசத்த முயற்சி

நேற்றைய அரை இறுதிப் போட்டியிலும் கூட அசத்தலாகத்தான் அடித்து ஆடினார் தவான். ஆனால் அதிர்ஷ்டம் அவர் பக்கம் இல்லாமல் போய் விட்டது. சிறப்பாக ஆடி வந்த அவர் 45 ரன்களில் ஆட்டமிழந்தார். அவர் மட்டும் நின்றிருந்தால் போட்டியின் போக்கு மாறியிருக்கக் கூடும்.