Click it and Unblock the Notifications
டி20 உலகக் கோப்பை
இந்த தொடரில் யாரும் எதிர்பாராத விதமாக இந்திய அணியின் நட்சத்திர வீரர் ஷிகர் தவான் அணிக்கு திரும்பியுள்ளார். ஷிகர் தவானை கடந்த சில மாதங்களாக இந்திய அணியில் சேர்க்காமல் தேர்வுக்குழுவினர் இருந்தனர். டி20 உலகக் கோப்பையில் கூட தவான் இந்திய அணியில் தேர்வாகவில்லை
6 மாதம் காத்திருப்பு
இந்த நிலையில் ரோகித் சர்மாவுக்கு காயம் ஏற்பட்டுள்ளது, இதனால் , அனுபவ வீரரின் பங்கு தேவை என்பதால் தவான் அணிக்கு திரும்பியுள்ளார். தவான் கடைசியாக 2021ஆம் ஆண்டு ஜூலை மாதம் இலங்கைக்கு எதிரான சுற்றுப் பயணத்தில் இந்திய அணிக்கு தலைமை தாங்கினார். அதன் பிறகு விவகாரத்து, அணியிலிருந்து நீக்கம் என பல்வேற சரிவுகளை கண்ட தவான், தற்போது அணிக்கு திரும்பியுள்ளார்
தெ.ஆப்பிரிக்க மண்ணில் தவான்
36 வயதான தவான் சர்வதேச ஒருநாள் போட்டியில் 6105 ரன்களை எடுத்துள்ளார்.தென்னாப்பிரிக்க மண்ணில் இதுவரை 9 போட்டியில் விளையாடியுள்ள தவான்,335 ரன்களை விளாசியுள்ளார். இதில் ஒரு சதம் அடங்கும். சராசரி 47 ரன்கள். இந்த நிலையில் ஷிகர் தவானின் வருகையால் இளம் வீரர் ருத்துராஜ் கெய்க்வாட்டுக்கு பிளேயிங் 11இல் வாய்ப்பு இருக்காது என எதிர்பார்க்கப்படுகிறது
ருத்துராஜ்க்கு கிடைக்குமா வாய்ப்பு?
விஜய் ஹசாரே கோப்பையில் ருத்துராஜ் கெய்க்வாட் 4 சதம் விளாசியுள்ளார். ஆனால் ஷிகர் தவான் 20 ரன்களை கூட தொடவில்லை. 0,12,14,18,12 இது தான் ஷிகர் தவான் எடுத்த ரன்கள். நிலைமை இப்படி இருக்க அவர் திடீர் என்று அணியில் தேர்வாகி உள்ளார். தொடக்க வீரராக கே.எல்.ராகுல் மற்றும் ஷிகர் தவான் இருப்பதால் நல்ல ரன் குவித்த ருத்துராஜ்க்கு வாய்ப்பு இருக்காது என எதிர்பார்க்கப்படுகிறது.
Continue with Google