உடல் எடை 6 கிலோ இழந்தேன்.. உடல் முழுவதும் வலி.. வாழ்க்கையின் மோசமான நாள் அது.. ஸ்ரேயாஸ் ஐயர் வேதனை

காயம்

2020ஆம் ஆண்டு நியூசிலாந்து தொடரில் சிறப்பாக விளையாடினேன். ஐபிஎல் தொடரில் அதிக ரன்கள் குவித்தேன். பின்னர் அப்போது தான் எனக்கு காயம் ஏற்பட்டது. என் வாழ்நாளில் மோசமான நாட்கள் அவை. காயமும், மீண்டும் உடல் தகுதி அடைய எடுக்கும் முயற்சியும் மிகவும் கடுமையானவை. ஆனால் விளையாட்டு வீரர்கள் இதனை எதிர்கொண்டு தான் ஆக வேண்டும்.

கேப்டன் பதவி

எனக்கு காயம் ஏற்படாமல் இருந்திருந்தால், டெல்லி அணியும் என்னை கேப்டன் பதவியிலிருந்து நீக்கி இருக்க மாட்டார்கள். ஆனால் எல்லாம் நன்மைக்கே. கெட்டதிலும், ஒரு நல்லது என்பார்களே அது தான் என் வாழ்க்கையில் நடந்தது. காயத்திலிருந்து மீண்டு வந்த நாள் தற்போது சிறப்பாக விளையாடுகிறேன்.

6 கிலோ போச்சு

இந்த ஆண்டு தொடக்கமும் எனக்கு சிறப்பானதாக இல்லை. தென்னாப்பிரிக்க தொடரின் போது வயிற்று போக்கு இருந்தது. என் வாழ்நாளில் அப்படி ஒரு கண்டத்தை நான் சந்தித்தது இல்லை. சில நாட்களில் மட்டும் 6 கிலோ வரை குறைந்தேன். தற்போது தான் மீண்டு வருகிறேன்.

பெரிய குற்றம்

டி20 கிரிக்கெட்டில் டாட் பந்து என்பது மிகப் பெரிய குற்றச் செயல். கேப்டன் ரோகித் சர்மா மீது நிறைய மரியாதை வைத்துள்ளேன். ஒரு வீரருக்கு ஆதரவு வழங்கி, அவரின் திறமையை அழகாக வெளி கொண்டு வருவார். கிடைக்கும் வாய்ப்பை பயன்படுத்தி கொண்டு, அணியின் வெற்றிக்காக போராடுவோம். எங்கள் குறிகோள் டி20 உலககோப்பையை வெல்வது தான்.