கிரிக்கெட்டின் அண்டர்டேக்கர், கேன் ஜோடியா? கில், சாய் சுதர்சன்.. டி20 வரலாற்றில் புதிய சாதனை

மும்பை: ஐபிஎல் 2026 தகுதிச்சுற்று 2 போட்டியில் ராஜஸ்தான் ராயல்ஸுக்கு எதிராக குஜராத் டைட்டன்ஸ் அணியின் ஷுப்மன் கில் மற்றும் சாய் சுதர்சன் ஜோடி புதிய வரலாறு படைத்துள்ளது. இவர்கள் இணைந்து 167 ரன்கள் குவித்து, ஐபிஎல் பிளேஆஃப் வரலாற்றில் அதிகபட்ச பார்ட்னர்ஷிப் சாதனையை முறியடித்தனர். இந்த அபார ஆட்டத்தின் மூலம் குஜராத் டைட்டன்ஸ் அணி இறுதிப் போட்டிக்கு முன்னேறியது.

சர்வதேச ஆண்கள் டி20 கிரிக்கெட்டில் அதிக சதம் பார்ட்னர்ஷிப் பதிவு செய்த ஜோடி என்ற பெருமையை இப்போது கில் - சாய் சுதர்சன் கூட்டணி பெற்றுள்ளது. 48 இன்னிங்ஸ்களில் 11 சத பார்ட்னர்ஷிப்களை அடித்ததன் மூலம், கிறிஸ் கெய்ல் மற்றும் விராட் கோலி ஆகியோரின் 10 சத சாதனையை (63 இன்னிங்ஸ்கள்) அவர்கள் முறியடித்துள்ளனர். மேலும், பாபர் அசாம்-முகமது ரிஸ்வான் இருவரும் தலா 10 சதம் பார்ட்னர்ஷிப் பதிவு செய்துள்ளனர்.

ஐபிஎல் பிளேஆஃப் வரலாற்றில் மிக உயர்ந்த பார்ட்னர்ஷிப் என்ற மைல்கல்லையும் இந்த ஜோடி எட்டியது. 167 ரன்கள் என்ற இவர்களின் பிளேஆஃப் பார்ட்னர்ஷிப், 2011 ஐபிஎல் இறுதிப் போட்டியில் சென்னை சூப்பர் கிங்ஸ் அணிக்காக மைக்கேல் ஹஸ்ஸி மற்றும் முரளி விஜய் ராயல் சேலஞ்சர்ஸ் பெங்களூரு அணிக்கு எதிராக எடுத்த 159 ரன்கள் என்ற சாதனையை முறியடித்தது. 2023 குவாலிஃபையர் 2-ல் மும்பை அணிக்கு எதிராக இதே கில்-சுதர்சன் ஜோடி 138 ரன்கள் எடுத்திருந்தது குறிப்பிடத்தக்கது.

IPL 2026: மீண்டும் மீண்டுமா? சாய் சுதர்சனுக்கு தேஜாவு.. ஒரே மாதிரி அவுட்டாகி சர்ச்சை

ராஜஸ்தான் ராயல்ஸ் நிர்ணயித்த 215 ரன்கள் என்ற இலக்கை துரத்திச் சென்ற குஜராத் டைட்டன்ஸ், கில்லின் அபார சதத்தால் வெற்றி பெற்றது. ஷுப்மன் கில் 53 பந்துகளில் 15 பவுண்டரிகள் மற்றும் மூன்று சிக்ஸர்களுடன் 104 ரன்கள் குவித்து அணியை வழிநடத்தினார். சுதர்சன் தனது விக்கெட்டை 'ஹிட்-விக்கெட்' முறையில் இழந்ததால் 10 விக்கெட் வெற்றி வாய்ப்பை GT இழந்தது. ஒரு ஓவர் மீதமிருக்க 219/3 ரன்கள் எடுத்து குஜராத் டைட்டன்ஸ் அணி இறுதிப் போட்டிக்குத் தகுதி பெற்றது.

IPL 2026: ஆரஞ்ச் தொப்பி யாருக்கு? சுப்மன் கில், வைபவ் சூர்யவன்ஷி. சாய் சுதர்சன் இடையே கடும் போட்டி

குஜராத் டைட்டன்ஸ் அணியின் வெற்றிக்கு இந்தத் துவக்க ஜோடி தொடர்ச்சியாக முக்கியப் பங்காற்றி வருகிறது. கடந்த பல ஆண்டுகளாக அணியின் தூண்களாக விளங்கி வரும் கில்லும் சுதர்சனும், வரவிருக்கும் இறுதிப் போட்டியிலும் தங்களது இரண்டாவது ஐபிஎல் பட்டத்தை வெல்ல அணிக்கு மிக முக்கியமாக இருப்பார்கள். மேலும், ஆண்கள் டி20 கிரிக்கெட்டில் துவக்க வீரர்களாக 8 சதம் பார்ட்னர்ஷிப் பதிவு செய்து, பாபர் அசாம் - முகமது ரிஸ்வான் ஜோடியுடன் இணைந்து சாதனையைப் பகிர்ந்து கொண்டுள்ளனர்.