என்ன சோளமுத்தா… போச்சா..? ஒரு புள்ளியில் தோற்றுப் போன கிங்..! நூலிழையில் முன்னேறிய அந்த வீரர்

பலத்த போட்டி

தொடர்ச்சியாக கோலி முதலிடத்தில் இருந்து வந்தார். டெஸ்ட் தரவரிசையை பொறுத்தவரை கோலி, ஸ்டீவ் ஸ்மித், மற்றொரு ஸ்டார் வீரரான மற்றும் கேன் வில்லியம்சன் இடையேதான் கடும் போட்டி நிலவும்.

தொடர் சதம்

தற்போது ஓராண்டு தடை முடிந்து மீண்டும் ஆஷஸ் தொடரில் ஸ்மித் விளையாடி வருகிறார். ஆஷஸ் தொடரில் 3 இன்னிங்சில் மட்டும் விளையாடி 378 ரன்கள் குவித்தார். தொடர்ச்சியாக சதமடித்து ஆஸ்திரேலிய வெற்றிக்கும் வித்திட்டார்.

தரவரிசை பட்டியல்

இந்நிலையில், ஐசிசி வெளியிட்டுள்ள டெஸ்ட் போட்டிக்கான தரவரிசையில் கோலியை காட்டிலும் ஒரு புள்ளி அதிகம் பெற்று ஸ்மித் முதலிடம் பிடித்துள்ளார். ஸ்மித் 904 புள்ளிகள் பெற்றுள்ளார். கோலியோ 903 புள்ளிகள் தான் பெற்றிருக்கிறார்.

3 பேர் இந்தியர்

வில்லியம்சன் 878 புள்ளிகளுடன் 3வது இடத்தில் உள்ளார். இந்திய வீரர் புஜாரா 825 புள்ளிகளுடன் 4வது இடத்தில் இருக்கிறார். மற்றொரு இந்திய வீரரான ரகானே 725 புள்ளிகளுடன் 7வது இடத்தை பிடித்துள்ளார். முதல் 10 வீரர்களில் இந்தியர்கள் மூவர் இடம்பிடித்துள்ளனர்.

சதங்கள் எண்ணிக்கை

ஸ்மித் 66 டெஸ்ட் போட்டிகளில் விளையாடி 25 சதம் உட்பட 6,577 ரன்கள் எடுத்து உள்ளார். கோலி 79 போட்டிகளில் விளையாடி 25 சதம் உட்பட 6,749 ரன்கள் எடுத்து உள்ளார்.

முன்னேற முடியும்

இந்தியாவுக்கு அக்டோபர் மாதம் தென் ஆப்ரிக்க அணி டெஸ்ட் தொடருக்காக வருகிறது. முதல் டெஸ்ட் போட்டி விசாகப்பட்டினத்தில் அக்டோபர் 2ம் தேதி தொடங்குகிறது. இந்த டெஸ்ட் தொடரில் விராட் கோலி சிறப்பாகச் செயல்படும் பட்சத்தில் முதலிடத்துக்கு முன்னேற முடியும்.