ஸ்மித், சச்சினை விட விராட் கோலி தான் சூப்பர்... அவர அடிச்சிக்க முடியாது.. பீட்டர்சன்

இந்திய கேப்டன் விராட் கோலி

இந்திய அணியின் கேப்டன் விராட் கோலி பல்வேறு சாதனைகளுக்கு சொந்தக்காரராக உள்ளார். இவரது தலைமையின்கீழ் இந்திய அணி பல்வேறு வெற்றிகளை வித்து வருகிறது. ஆஸ்திரேலிய மண்ணில் அவர்களை வெற்றி கொண்டது சிறந்த சாதனையாக உள்ளது. இவர் மூன்று வடிவங்களிலும் விளையாடி 50 புள்ளிகளை சராசரியாக பெற்று சர்வதேச அளவில் 70 சதங்களை குவித்துள்ளார்.

முதலிடங்களில் ஸ்மித், கோலி

ஸ்டீவ் ஸ்மித் மற்றும் விராட் கோலி இருவரும் தற்போது கிரிக்கெட் உலகின் முன்னணி வீரர்களாக உள்ளனர். ஸ்மித் 73 டெஸ்ட் போட்டிகளில் விளையாடி, 7227 ரன்களை குவித்து 62.74 சராசரியில் உள்ளார். கோலியோ 86 டெஸ்ட் போட்டிகளில் விளையாடி 7240 ரன்களை குவித்துள்ளார். இதேபோல, ஒருநாள் போட்டிகள் மற்றும் டி20 வடிவங்களில் 59.33 மற்றும் 50.80 சராசரிகளை விராட் கோலி பெற்றுள்ள நிலையில், ஸ்டீவ் ஸ்மித் 42.46 மற்றும் 29.60 சராசரிகளை பெற்றுள்ளார்.

விராட்டை பாராட்டிய முன்னாள் வீரர்

இந்நிலையில், சாதனைகளை முறியடிக்கும் வேகம், மிகுந்த நெருக்கடிகளுக்கு இடையில் அணியில் வெற்றிகளை குவிப்பது போன்ற விராட் கோலியின் திறமைகளுக்கு முன்னால் ஸ்டீவ் ஸ்மித் அவரது அருகில் கூட வரமுடியாது என்று முன்னாள் இங்கிலாந்து வீரர் கெவின் பீட்டர்சன் கூறியுள்ளார். இன்ஸ்டா லைவ் சாட்டில் முன்னாள் ஜிம்பாப்வே வீரர் பொம்மி ம்பாங்வாவுடன் மேற்கொண்ட நேரலையில் அவர் இவ்வாறு கூறினார்.

சாதனைகளை முறியடிக்கும் விதம்

மீண்டும் விராட் கோலி சச்சினின் சாதனைகளை முறியடித்ததே இங்கு நினைத்துப்பார்க்கப்பட வேண்டியது. ஏறக்குறைய 80க்கும் மேற்பட்ட சாதனைகளை விராட் முறியடித்து சாதனை நாயகனாக திகழ்கிறார் என்று பீட்டர்சன் தெரிவித்துள்ளார். இது மிகுந்த வியப்புக்கு உரியது என்று தெரிவித்துள்ள அவர், சச்சினைவிட விராட் கோலியே இதில் சிறப்பானவர் என்று கூறியுள்ளார்.