வெஸ்ட் இண்டீஸ் அணிக்கு எதிரான மூன்றாவது டி20 போட்டியில் இந்திய மகளிர் அணி 60 ரன்கள் வித்தியாசத்தில் வீழ்த்தி வெற்றிப் பெற்றது. மும்பையில் நடைபெற்ற இந்தப் போட்டியை சுமார் 47,204 ரசிகர்கள் மைதானத்தில் கண்டு களித்தனர். ஆஸ்திரேலியாவுக்கு எதிரான சமீபத்திய 3-0 ஓடிஐ தொடர் தோல்விய நிலையில், தற்போது பலம் வாய்ந்த வெஸ்ட் இண்டீஸ் அணியை வீத்தியுள்ளது.

முதலில் பேட்டிங் செய்த இந்திய அணியில் ரிச்சா கோஷ் மற்றும் ஸ்மிருதி மந்தனா ஆகியோரின் ஆட்டம் இந்தியாவின் பேட்டிங் திறனை வெளிப்படுத்தியது. கோஷ் 21 பந்துகளில் 54 ரன்கள் எடுத்து, சாதனை படைக்க, அதேசமயம், துணை கேப்டன் மந்தனா 47 பந்துகளில் 77 ரன்கள் எடுத்து தொடர்ச்சியாக மூன்றாவது அரைசதத்தை அடித்தார். இதன் மூலம் சர்வதேச டி20 போட்டியில் அதிக அரைசதம் அடித்து மந்தனத சாதனை படைத்தார்.

இதன் மூலம் இந்திய மகளிர் அணி 20 ஓவர்களில் 4 விக்கெட்டுக்கு 217 ரன்கள் என்ற அதிகபட்ச டி20 ஸ்கோரை எட்ட உதவியது. ஸ்மருருதி மந்தனா இந்த ஆண்டு டி20ஐயில் அதிக ரன்கள் எடுத்த வீரரானார். 23 போட்டிகளில் 763 ரன்கள் எடுத்து 42.38 என்ற சராசரி விகிதத்தில் அவர் இருந்தார். இந்த ஆண்டு அவர் எட்டு அரைசதங்கள் மற்றும் நான்கு சதங்கள் அடித்துள்ளார். முதல் ஓவரிலேயே தொடக்க வீரர் உமா செத்ரி டக் அவுட்டான போதிலும், மந்தனாவின் பவுண்டரி நிறைந்த இன்னிங்ஸ் இந்தியா விரைவில் மீண்டது. அவர் கோஷ் இன்னிங்ஸில் பின்னர் தன்னை நிலைநிறுத்த ஒரு வலுவான அடித்தளத்தை அமைத்தார். ஜெமிமா ரோட்ரிக்ஸ் 28 பந்துகளில் 39 ரன்கள் எடுத்து மந்தனாவுடன் முக்கியமான கூட்டணி அமைத்து கணிசமாக பங்களித்தார்.ரிச்சா கோஷின் ஆக்ரோஷமான பேட்டிங் பாணி அவரது இன்னிங்ஸில் 5 சிக்ஸர்கள் மற்றும் 3 பவுண்டரிகள் அடித்ததன் மூலம் முழுமையாக வெளிப்பட்டது. அவரது வலுவான அடித்தல் ரசிகர்களை மகிழ்வித்தது மற்றும் இந்தியா ஒரு வலுவான மொத்த ஸ்கோரைப் பதிவு செய்ய உதவியது. இறுதி ஓவரில் ஆலியா அலெனின் பந்தில் ஒரு சிக்ஸர் அடித்து கோஷ் அரைசதத்தை எட்டினார். வெஸ்ட் இண்டீஸ் பவுலர்கள் இந்தியாவின் ஆக்ரோஷமான பேட்டிங் வரிசையை எதிர்கொள்ள போராடினர். மூத்த வேகப்பந்து வீச்சாளர் டெயண்ட்ரா டாடின் தனது 4 ஓவர்களில் 54 ரன்கள் கொடுத்தார், அதேசமயம் ஆஃப்-ஸ்பின்னர் கரிஷ்மா ராம்ஹாரக் விக்கெட் எடுக்காமல் 44 ரன்கள் விட்டுக் கொடுத்தார்.

இந்திய அணியின் பீல்டிங் மற்றும் பவுலிங் ஆட்டமும் சிறப்பாக இருந்தது. இதன் காரணமாக வெஸ்ட் இண்டீஸ் அணியால் 20 ஓவர்களில் 9 விக்கெட்டுக்கு 157 ரன்களுக்கு மட்டுமே எடுக்க முடிந்தது. அந்த அணியில் ஹென்றி மட்டுமே 16 பந்துகளில் 43 ரன்கள் எடுத்து வெஸ்ட் இண்டீஸ் பக்கம் போராடினார். ஹேலே மத்தியூஸ் போன்ற முக்கிய வீரர்களை விரைவில் ஆட்டமிழக்கச் செய்வதில் இந்திய பவுலர்கள் வெற்றி பெற்றார்கள். இதனைத தொடர்ந்து வரும் 22ஆம் தேதி இரு அணிகளுக்கும் இடையிலான ஒருநாள் தொடர் நடைபெறுகிறது.