கடைசி ஒருநாள் போட்டியில் ஸ்டோக்ஸ் ஏமாற்றம்.. இங்கிலாந்தை வெளுத்து வாங்கிய தென்னாப்பிரிக்கா

நல்ல தொடக்கம்

முதலில் தென்னாப்பிரிக்க அணியின் குயின் டிக்காக் 19 ரன்களில் வெளியேறினார். இதன் பின்னர் இரண்டாவது விக்கெட்டுக்கு ஜெனி மான் மாலன் மற்றும் வெண்டர் டுசன் ஆகியோர் பொறுமையாக விளையாடி ரன்களை சேர்த்தனர். இதில் ஜெனிமான் மாலன் 52 ரன்களுக்கு வெளியேறினார். இதன் பின்னர் நடு வரிசையில் களமிறங்கிய ஏய்டன் மார்க்கரம் அதிரடியாக விளையாடி 61 பந்துகளில் 77 ரன்கள் சேர்த்தார்.

வெண்டர் டுசன் சதம்

இதில் ஒன்பது பவுண்டரிகள் அடங்கும். சிறப்பாக விளையாடிய வெண்டர் டுசன் 117 பந்துகளில் 134 ரன்கள் குவித்து ஆட்டம் இழந்தார். இறுதியில் டேவிட் மில்லர் தன் பங்கிற்கு 24 ரன்கள் அடிக்க தென்னாப்பிரிக்கா அணி 50 ஓவர் முடிவில் 333 ரன்களுக்கு ஐந்து விக்கெட்டுகளை இழந்தது. இதில் பென் ஸ்டோக்ஸ் ஐந்து ஓவர் வீசி 44 ரன்கள் விட்டுக் கொடுத்து விக்கெட்டுகளை ஏதும் எடுக்கவில்லை.

102 ரன் பார்ட்னர்ஷிப்

334 ரன்கள் எடுத்தால் வெற்றி என்ற கடின இலக்குடன் இங்கிலாந்து அணி களமிறங்கியது. முதல் விக்கெட்டுக்கு ஜேசன் ராய், பாரிஸ்டர் ஜோடி பொறுப்பான ஆட்டத்தை வெளிப்படுத்தி 102 ரன்கள் சேர்த்தது. இதில் ஜேசன் ராய் 43 ரன்களும், பாரிஸ்டோ 63 ரன்களும் எடுத்தனர். இந்தியாவுக்கு எதிராக சரிவர விளையாடாத ஜோ ரூட் இம்முறை நிதானமாக விளையாடி ரன்களை சேர்த்தார்.

சரிந்த நடுவரிசை

பெரும் எதிர்பார்ப்புடன் தனது கடைசி ஒரு நாள் போட்டியில் களமிறங்கிய பென் ஸ்டோக்ஸ் வெறும் ஐந்து ரன்கள் மட்டுமே எடுத்து பெவிலியன் திரும்பினார்.கேப்டன் ஜாஸ் பட்லர் 12 ரன்களிலும், லியாம் லிவிங் ஸ்டோன் 10 ரன்களிலும் அலி 3 ரன்களிலும் அடுத்தடுத்து ஆட்டம் இழக்க, இங்கிலாந்து அணி தடுமாறியது. தனி ஆளாக நின்று 86 எண்கள் எடுத்தார் ஜோ ரூட். 46.5 வது ஓவரில் இங்கிலாந்து அணி 271 ரன்களுக்கு சுருண்டது .தென்னாப்பிரிக்கா பந்துவீச்சு தரப்பில் நோக்கியா நான்கு விக்கெட்டுகளை வீழ்த்தினார்.