தென் ஆப்பிரிக்காவை திராட்டில் விட்ட டிராட்... இறுதிப் போட்டியில் இங்கிலாந்து

முதலில் ஆடி 175

முதலில் ஆடிய தென் ஆப்பிரிக்க அணி 175 ரன்களில் நின்று போனது.

பின்னர் பிரமாதமாக ஆடிய இங்கிலாந்து

இதையடுத்து 176 ரன்களை மெதுவாக துரத்தத் தொடங்கிய இங்கிலாந்து வீரர்களை சீர்குலைக்க தென் ஆப்பிரிக்கா கடுமையாக முயன்றும் முடியவில்லை.

ஆட்டம் காட்டிய டிராட்

இங்கிலாந்து வீரர் ஜோனதன் டிராட் மிகச் சிறப்பாக ஆடினார். கடைசி வரை ஆட்டமிழக்காமல், 84 பந்துகளில் 82 ரன்களை அவர் குவித்தார். இதில் 11 பவுண்டரிகளும் அடக்கம்.

ரூட்டுக்கு 48

அதேபோல ஜோ ரூட்டும், டிராட்டுடன் துணை நின்று 48 ரன்களைச் சேர்த்தார்.

37.3 ஓவர்களிலேயே முடிஞ்சு போச்சு

மிகவும் செளகரியமாக ஆடி வந்த இங்கிலாந்து அணி 37.3 ஓவர்களிலேயே வெற்றி இலக்கை எட்டி ரசிகர்களை குஷிப்படுத்தியது.

இறுதிப் போட்டியில்

இந்த வெற்றியின் மூலம் இறுதிப் போட்டிக்குள் நுழைந்துள்ள இங்கிலாந்து, இன்று நடைபெறும் 2வது அரை இறுதியில் வெல்லும் அணியுடன் இறுதிப் போட்டியில் மோதும்.

2வது முறையாக இறுதிப் போட்டி

2வது முறையாக சாம்பியன்ஸ் டிராபி இறுதிப் போட்டிக்கு இங்கிலாந்து முன்னேறியுள்ளது. முன்பு 2004ம் ஆண்டு அது இறுதிப் போட்டிக்குத் தகுதி பெற்றது.

இன்று 2வது அரை இறுதி

இன்று கார்டிப் மைதானத்தில் இந்தியா, இலங்கை அணிகள் 2வது அரை இறுதிப் போட்டியில் சந்திக்கவுள்ளன.