கெய்ல், போலார்ட், 'சரவணன்'... எல்லோரும் கேப்டனாயிட்டாங்கப்பா!

ஈயடிச்சான் காப்பி...

ஐபிஎல் வந்தாலும் வந்தது, ஹிட் ஆனாலும் ஆனது.. வரிசையாக பலரும் காப்பி அடிக்க ஆரம்பித்து விட்டனர்.

முதல் காப்பி குடித்த இலங்கை

இலங்கைதான் முதன் முதலில் காப்பி அடித்த அணியாகும். ஸ்ரீலங்கா பிரீமியர் லீக் என்ற பெயரில் அவர்கள் காப்பி அடித்தனர்.

அடுத்து வங்கத்து சிங்கங்கள்

அடுத்து வங்கதேசம் காப்பி அடித்தது. அவர்கள் பெங்கால் பிரீமியர் லீக் என்ற பெயரில் இதை நடத்தி வருகின்றனர்.

ஆஸ்திரேலியாவும்...

ஆஸ்திரேலியாவிலும் பிக் பாஷ் என்ற பெயரில் கிட்டத்தட்ட ஐபிஎல் போலவே பெயர் வைத்து டுவென்டி 20 தொடரை உருவாக்கியுள்ளனர்.

இப்போது சிபிஎல்

இந்த வரிசையில் புதிதாக சேர்ந்துள்ளது சிபிஎல். மொத்ம் 6 அணிகளுடன் போட்டிகள் நடைபெறவுள்ளன.

கேப்டன்கள் ரெடி...

6 அணிகளின் கேப்டன்களையும் சிபிஎல் நிர்வாகம் அறிவித்துள்ளது. 6 பேருமே மேற்கு இந்தியத் தீவுகள் அணியைச் சேர்ந்தவர்கள்தான்.

சர்வானுக்கு கயானா அமேசான் வாரியர்ஸ்

மேற்கு இந்தியத் தீவுகள் அணியிலிருந்து நீக்கப்பட்டுள்ள ராம் நரேஷ் சர்வான், கயானா அமேசான் வாரியர்ஸ் அணியின் கேப்டனாக அறிவிக்கப்பட்டுள்ளார்.

வேயன் பிராவோவுக்கு டி அன் டி ரெட் ஸ்டீல்

மேற்கு இந்தியத் தீவுகள் அணியின் தற்போதைய கேப்டன் வேயன் பிராவோ, டிரினிடாட் அன்ட் டொபாகோ ரெட் ஸ்டீல் அணியின் கேப்டனாகியுள்ளார்.

சமிக்கு செயின்ட் லூசியா ஸோக்ஸ்

டேரன் சமி, செயின்ட் லூசியா ஸோக்ஸ் அணியின் கேப்டனாக அறிவிக்கப்பட்டுள்ளார்.

ஜமைக்கா தல்லவாஸ் கெய்ல்

அதிரடி வீரர் கிறிஸ் கெய்ல், ஜமைக்கா தல்லவாஸ் அணியின் கேப்டனாக பொறுப்பேற்றுள்ளார்.

சாமுவேல்ஸுக்கு ஆண்டிகுவா ஹாக்ஸ்பில்ஸ்

ஆண்டிகுவா ஹாக்ஸ்பில்ஸ் அணியின் கேப்டனாக மார்லான் சாமுவேல்ஸ் அறிவிக்கப்பட்டுள்ளார்.

பார்படாஸுக்கு போலார்ட்

கீரன் போலார்ட், பார்படாஸ் டிரைடன்ட்ஸ் அணியின் கேப்டனாகியுள்ளார்.

எல்லோரும் முதல் முறையாக

போலார்ட், கெய்ல், சர்வான் ஆகியோர் முதல் முறையாக கேப்டனாகியுள்ளனர் என்பது குறிப்பிடத்தக்கது.