கொல்கத்தாவுக்கு இன்னும் (லேசா) உயிர் இருக்கு...!

பிப்டி போட்ட கம்பீர்

கொல்கத்தாவின் பேட்டிங்கின்போது கேப்டன் கம்பீர் சிறப்பாக ஆடி அரை சதம் போட்டார். அதேபோல அந்த அணியின் ரியான் டென்டஸ்சாட் 21 பந்துகளில் 31 ரன்களை விளாசினார். இதுதான் அவருக்கு முதல் ஐபிஎல் போட்டியாகும்.

கம்பீருக்கு இது 4வது அரை சதம்

கம்பீருக்கு இந்தத் தொடரில் இது 4வது அரை சதமாகும். இதுவரை அவர் 370 ரன்களைக் குவித்துள்ளார்.

3 எடுத்த புவனேஷ்குமார்

புனே அணியின் பந்து வீச்சாளர் புவனேஷ் குமார் சிறப்பாக பந்து வீசி 4 ஓவர்களில் 25 ரன்கள் கொடுத்து 3 விக்கெட்களை வீழ்த்தினார்.

வெளியில் போய் முதல் வெற்றி

நடப்பு ஐபிஎல் தொடரில் வெளியூர் மைதானத்தில் தொடர்ந்து தோல்விகளையே சந்தித்து வந்தது கொல்கத்தா.நேற்றுதான் முதல் வெற்றியை அது ருசித்தது.

தொடர்ந்து 8 முறை

புனே அணி தொடர்ந்து 8வது முறையாக நேற்று தோல்வியைத் தழுவியது.

பாலாஜி அபாரம்

கொல்கத்தாவின் லட்சுமிபதி பாலாஜி சிறப்பாக பந்து வீசி 3 விக்கெட்களைச் சாய்த்தார். ஜேக்கஸ் காலிஸ், இக்பால்அப்துல்லா, சுனில்நரைன் ஆகியோர் தலா 2 விக்கெட்களை எடுத்தனர்.

தனியாக போராடிய மாத்யூஸ்

புனே அணியைக் கரை சேர்க்க ஏஞ்சலோ மாத்யூஸ் கடுமையாகப் போராடினார். 4 சிக்சர்களை விளாசிய அவர் 28 பந்துகளில் 40 ரன்களைக் குவித்தார். இருந்தாலும் அந்த அணியின் தோல்வியைத் தவிர்க்க முடியவில்லை.

காஷ்மீரிலிருந்து முதல் முறையாக ரசூல்

ஜம்மு காஷ்மீரைச் சேர்ந்த பர்வேஸ் ரசூல் ஐபிஎல் போட்டியில் நேற்று அறிமுகமானார். இவர்தான் ஐபிஎல் போட்டியில் ஆடும் முதல் காஷ்மீர் வீரர் என்பது குறிப்பிடத்தக்கது.

பதான் வீரம் எங்கே போச்சு...?

யூசுப் பதான் தொடர்ந்து சொதப்பி வருகிறார். நேற்றைய போட்டியில் அவர் வெறும் 3 ரன்களை மட்டுமே எடுத்தார்.