'வாரியர்ஸா' இல்லை வெற்றிக்குப் 'பேரியர்ஸா', பாவம் அவங்களே குழம்பிட்டாங்க!

புனே: உண்மையிலேயே கிங்ஸ் லெவன் பஞ்சாபுக்கு நேற்றைய நாள் ரொம்பவே சந்தோஷமான நாள்தான். இருக்காதா பின்னே... இதுவரை நடந்த ஐந்து ஐபிஎல் தொடர்களிலும் முதல் போட்டியில் ஒருவாட்டி கூட இந்த அணி வென்றதே இல்லை. இந்த முறைதான் தொடக்கத்திலேய வெற்றியைச் சுவைத்துள்ளது.

புனே வாரியர்ஸ் அணியை தூக்கிப் போட்டு மிதித்து அபாரமான வெற்றியைப் பெற்று 6வது ஐபிஎல் தொடரை வெற்றிகரமாக தொடங்கியுள்ளது கில்கிறைஸ்ட் தலைமையிலான கிங்ஸ் லெவன் பஞ்சாப் அணி.

இதுகுறித்து கில்கிறைஸ்ட் மிகப் பெருமையுடன் சொல்லியுள்ளார். தனது அணியின் வெற்றி சிறப்பானது என்றும் அவர் வர்ணித்துள்ளார்.

சரி, புனே வாரியர்ஸ், கிங்ஸ் லெவன் பஞ்சாப் அணி மோதலில் நடந்த சுவாரஸ்ய நிமிஷங்களைப் பார்ப்போமா...!

'வாரியர்ஸா' இல்லை 'பேரியர்ஸா', பாவம் அவங்களே குழம்பிட்டாங்க

வாரியர்ஸ் என்று பெயர் வைத்துக் கொண்டுள்ள புனே அணி வீரர்கள், ரொம்ப சொதப்பலாக ஆடுகிறார்கள். முதல் போட்டியில் தோற்ற அவர்கள், 2வது போட்டியில் சுதாரிக்காமல், 2வது போட்டியிலும் மந்தமாக ஆடி தோற்றனர்.