ஐபிஎல் 6: ராயல் சேலஞ்சர்ஸ், கிறிஸ் கெய்ல் படைத்த 7 சாதனைகள்!

30 பந்தில் 100

20 ஓவர் கிரிக்கெட் போட்டியில் 30 பந்தில் கெய்ல் சதமடித்தார். 30 பந்துகளில் ஒரு சதமடித்தது என்பது கிரிக்கெட் வரலாற்றில் இதுவரை இல்லாத ஒன்று.

175 நாட் அவுட்

ஐபிஎல் மற்றும் 20 ஓவர் கிரிக்கெட் போட்டிகளில் 20 ஓவர் முடிவில் 5 விக்கெட் இழப்புக்கு 263 ரன்களை முதல் முறையாக எடுத்திருக்கிறது ராயல் சேலஞ்சர்ஸ் பெங்களூர் அணி. இதற்குக் காரணம் கெய்ல்தான். 175 ரன்கள் எடுத்து நாட் அவுட் ஆகாமல் இருந்த கெய்ல்தான் ஐபிஎல் வரலார்றில் அதிக ரன்களைக் குவித்த தனிநபர். இதற்கு முன்னர் மெக்கல்லம் 158 ரன்களை எடுத்ததே சாதனையாக இருந்தது.

17 சிக்சர்கள்

நேற்றைய போட்டியில் கெய்ல் 17 சிக்சர்களை பறக்கவிட்டதும் ஒரு சாதனையானது.

நேற்றைய போட்டியில் ராயல் சேலஞர்ஸ் பெங்களூர் அணி மொத்தம் 21 சிக்சர்களை பறக்கவிட்டது மற்றொரு சாதனையாகும்.

17 பந்தில் 50 ரன்கள்

கெய்ல் தமது அரை சதத்தை 17 பந்துகளிலேயே எட்டியதும் ஐபிஎல் வரலாற்றில் புதிய சாதனை.

53 பந்தில் 150 ரன்கள்

இதேபோல் கிறிஸ் கெய்ல் 53 பந்துகளிலேயே 150 ரன்களைக் கடந்ததும் ஒரு சாதனை.

அதிக உயரம் பறந்த சிக்சர்

கெய்ல் அடித்த சிக்சர்களில் ஒன்று `119 மீட்டர் உயரத்துக்கு பறந்தது. இதுதான் நடப்பு ஐபிஎல் 6வது தொடரின் மிக உயரமான சிக்சராகும். நடப்பு தொடரில் 8 ஆட்டங்களில் விளையாடி 432 ரன்களை குவித்து ஆரஞ்ச் கேப் பெற்றுள்ளார் கெய்ல்.

கெய்ல் ஜோடி 167 ரன்கள்

- கெய்ல் மற்றும் தில்ஷன் ஜோடி மட்டும் 167 ரன்களை குவித்தது.

6ஓவரில் 62 ரன்கள்

ராயல் சேலஞ்சர்ஸ் பெங்களூர் அணி முதல் 6 ஓவர்களிலேயே விக்கெட் இழப்பின்றி 62 ரன்களைக் குவித்தது.

7.5 வது ஓவரில் 100 ரன்கள்

7.5 வது ஓவரிலேயே 100 ரன்களைத் தொட்டது ராயல் சேலஞ்சர்ஸ் பெங்களூர் அணி.

- புனே வாரியர்ஸ் அணியின் முர்டஜா 2 ஓவர்கள் மட்டும் வீசி 45 ரன்களை அள்ளிக் கொடுத்தார். இதேபோல் மார்ஷ் 3 ஓவர் வீசி 56 ரன்களைக் கொடுத்து 1 விக்கெட் எடுத்தார்.