கடைசிப் போட்டியில் விக்கெட் வீழ்த்திய கில்கிறைஸ்ட்

முதல் பந்திலேயே ஹர்பஜன் காலி

மும்பை இந்தியன்ஸ் வீரர் ஹர்பஜன் சிங், கில்கிறைஸ்ட்டின் முதல் பந்தை எதிர்கொண்டார். முதல் பந்தை வீசினார் கில்கிறைஸ்ட். அதை ஓங்கி அடித்தார் ஹர்பஜன் சிங். பவுண்டரி நோக்கி மேலே பாய்ந்த பந்தை, லைனுக்கு அருகே நின்று குர்கிரீத் சிங் கப்பென்று கவ்விக் கொள்ள ஹர்பஜன் அவுட்.

துள்ளிக் குதித்த கில்லி

கில்கிறைஸ்ட்டுக்கு மகிழ்ச்சி தாங்க முடியவில்லை. ஆக்ரோஷத்துடன் சந்தோஷக் கூக்குரலிட்டார். இதுதான் அவரது வாழ்க்கையில் அவருக்குக் கிடைத்த முதல் விக்கெட்டாகும்.

13வது பந்தில் வந்த விக்கெட்

இதற்கு முன்பு 648 போட்டிகளில் மொத்தமே 2 ஓவர்கள்தான் பந்து வீசியிருந்தார் கில்கிறைஸ்ட். தனது 13வது பந்தில் அவருக்கு விக்கெட் கிடைத்தது பெரிய ஆச்சரியம்தான்.

கங்னம் ஆட்டம்

முதல் விக்கெட்டை வீழ்த்தியதும் கங்னம் ஸ்டைல் ஆட்டத்தையும் போட்டு அசத்தி விட்டார் கில்கிறைஸ்ட்.

தோளில் தூக்கி விடை கொடுத்த அணியினர்

நேற்றுடன் தீவிர கிரிக்கெட்டிலிருந்து விடை பெற்ற அருமையான ஆட்டக்காரரான கில்கிறைஸ்ட்டை பஞ்சாப் அணி வீரர்கள் தோளில் தூக்கிக் கொண்டு மைதானத்தை வலம் வந்து பிரியாவிடை கொடுத்தனர்.

பஜ்ஜியை பழி வாங்கி விட்டேன்

பின்னர் பேசிய கில்கிறைஸ்ட், ஹர்பஜன் சிங் என்னைப் பலமுறை அவுட்டாக்கியுள்ளார். இன்று அவரை நான் அவுட்டாக்கி விட்டேன். அதனால்தான் ஹர்பஜன் பாணியில் கங்னம் ஆட்டம் போட்டேன். ரசிகர்களும் அதை வரவேற்றனர் என்றார்.

பை பை கில்லி.. உங்களை மறக்க மாட்டோம்