சச்சின் 'ஷூ லேஸைக்' கட்டக் கூட யாருக்கும் தகுதி கிடையாது- ரவி சாஸ்திரி 'லூஸு'ப் பேச்சு!

கொல்கத்தா டெஸ்ட் போட்டி குறித்து அவர் கருத்து தெரிவிக்கையில், சச்சின் டெண்டுல்கருக்கு மாற்றான, இணையான வீரர் நிச்சயம் நம்மிடம் இல்லை. மற்றவர்கள் என்ன சொல்கிறார்கள் என்பது குறித்து எனக்குக் கவலையில்லை. ஆனால் சச்சினுக்கு மாற்று வீரர் இப்போதைக்கு நம்மிடம் இல்லை. ஏன், அவரது ஷூ லேஸைக் கட்டக் கூட தகுதியானவர்கள் நம்மிடம் இல்லை.

சச்சின் கண்டிப்பாக இந்திய அணிக்கு்த் தேவை. அவர் முதல் இன்னிங்ஸில் 76 ரன்கள் அடித்த விதத்தைப் பாருங்கள். அதை எடுத்து விட்டால் இந்திய அணியின் நிலை என்ன...

சச்சின் மிக முக்கியமான ஆட்டத்தை ஆடியுள்ளார். அவருக்கு பலமுனைகளிலிருந்தும் நெருக்குதல்கள். ஆனால் அதையும் மீறி அவர் சிறப்பான ஆட்டத்தை வெளிப்படுத்தியுள்ளார். உண்மையில் நெருக்குதல்களால் அவர் பாதிக்கப்படவில்லை என்பதை வெளிப்படுத்தியுள்ளார் என்றார் ரவி சாஸ்திரி.

சாஸ்திரியின் ஷூ லேஸ் பேச்சு குறித்து நீங்க என்ன நினைக்கிறீங்க...