"சிக்ஸரா அடிக்கிறாய்?" கேப்டன் இஷான் கிஷனை வெளியே போகுமாறு சைகை காட்டிய இளம் பவுலர் அன்சாரி

ஹைதராபாத்: ஐபிஎல் 2026 தொடருக்கு முன்பாக சன்ரைசர்ஸ் ஹைதராபாத் அணி வீரர்களுக்கு இடையே நடைபெற்ற பயிற்சி ஆட்டத்தில், அந்த அணியின் தற்காலிக கேப்டன் இஷான் கிஷனை இளம் சுழற்பந்து வீச்சாளர் ஜீஷன் அன்சாரி ஆக்ரோஷமான முறையில் சைகை காட்டி வழியனுப்பி வைத்த சம்பவம் பரபரப்பை ஏற்படுத்தியது.

கடந்த மார்ச் 21 அன்று நடைபெற்ற பயிற்சி ஆட்டத்தின் 2 ஆவது இன்னிங்ஸில் 8 ஆவது ஓவரை வீச உத்தரபிரதேசத்தைச் சேர்ந்த 26 வயதான லெக் ஸ்பின்னர் ஜீஷன் அன்சாரி அழைக்கப்பட்டார். அப்போது களத்தில் 20 பந்துகளில் 52 ரன்கள் குவித்து அதிரடியாக விளையாடிக் கொண்டிருந்தார் இஷான் கிஷன். அன்சாரி வீசிய முதல் 4 பந்துகளில் 2 சிக்ஸர்கள் மற்றும் 2 பவுண்டரிகளை விளாசி இஷான் கிஷன் மிரட்டினார். ஆனால் 5 ஆவது பந்தில் அன்சாரி புத்திசாலித்தனமாகச் செயல்பட்டு கிஷனின் விக்கெட்டைக் கைப்பற்றினார்.

விக்கெட்டை வீழ்த்திய மகிழ்ச்சியில் அன்சாரி மிகவும் ஆக்ரோஷமாக கிஷனை பெவிலியனுக்குத் திரும்புமாறு கையை அசைத்து சைகை செய்தார். ஆனால், இஷான் கிஷன் இதைப் பெரிதாக எடுத்துக்கொள்ளாமல் சிரித்துக்கொண்டே வெளியேறினார். இந்த சம்பவம் சன்ரைசர்ஸ் ஹைதராபாத் அணியின் தீவிரமான போட்டி மனப்பான்மையைக் காட்டுவதாகப் பார்க்கப்படுகிறது.

சன்ரைசர்ஸ் அணியின் பந்துவீச்சு சற்று பலவீனமாகக் கருதப்படும் நிலையில், அன்சாரி அந்த அணிக்கு மிக முக்கியமான வீரராகக் கருதப்படுகிறார். கடந்த ஆண்டு 10 போட்டிகளில் 6 விக்கெட்டுகளை வீழ்த்திய அவர், சமீபத்தில் விளையாடிய 8 உள்ளூர் போட்டிகளில் 21 விக்கெட்டுகளைக் கைப்பற்றி மிகச் சிறப்பான ஃபார்மில் உள்ளார்.

முழுசா 4 ஓவர்கள் வீசலையா? அப்ப சம்பளத்தை கட் பண்ணுங்க.. கேமரூன் கிரீன் குறித்து அஸ்வின் அதிரடி

தற்காலிக கேப்டன் இஷான் கிஷன்

சன்ரைசர்ஸ் ஹைதராபாத் அணியின் முழுநேர கேப்டனான பேட் கம்மின்ஸ் காயம் காரணமாக ஏப்ரல் மாதத்தின் மத்தியில் தான் அணியுடன் இணைவார் என எதிர்பார்க்கப்படுகிறது. இதனால் முதல் சில போட்டிகளில் இஷான் கிஷன் அணியை வழிநடத்தும் பொறுப்பை ஏற்றுள்ளார். முன்னதாக ஜார்க்கண்ட் அணியின் உதவிப் பயிற்சியாளர் சன்னி குப்தா கூறுகையில், "இஷான் கிஷன் எப்போதும் சிரித்துக்கொண்டே விளையாடும் இயல்புடையவர் என்றாலும், கேப்டன்சியில் அவர் மிகவும் தீவிரமானவர். அணியின் நலனுக்காகத் தெளிவான விதிகளையும் பொறுப்புகளையும் உருவாக்குவதில் அவர் சிறந்தவர்" என்று பாராட்டியிருந்தது குறிப்பிடத்தக்கது. பயிற்சியில் காணப்படும் இந்த தீவிரம் ஐபிஎல் களத்திலும் எதிரொலிக்கும் என ரசிகர்கள் ஆவலுடன் காத்திருக்கின்றனர்.

பாதி ஐபிஎல் முடிஞ்சுடும்.. அப்போ வந்து 1 கோடியை வாங்குவீர்களா? பஞ்சாப் கிங்ஸ் வீரரை விளாசிய ஆகாஷ்