சின்னத்திரை – பெரியதிரை நட்சத்திரங்கள் மோதும் ஸ்டார் கிரிக்கெட் லீக்

ஸ்டார் கிரிக்கெட் போட்டி

சிசிஎல் கிரிக்கெட் என்றழைக்கப்படும் செலிபிரிட்டி கிரிக்கெட் லீக் போட்டி போல இப்போது புதிதாக ஸ்டார் கிரிக்கெட் லீக் நடத்தப் போகின்றனர். தமிழ்நாடு சின்னத்திரை நடிகர் சங்கமும் ஹெல்ப்பிங் ஏஜ் பவுண்டேசனும் இணைந்து இந்த போட்டியை நடத்தவுள்ளார்கள்.

நலிந்த கலைஞர்களுக்கு உதவி

சின்னத்திரை, பெரிய திரைகளில் நடித்த சிறிய நடிகர்கள்.. வசதி வாய்ப்பற்ற நடிகர்களுக்கு உதவி செய்யும் பொருட்டே இந்த பவுண்டேஷன் அமைக்கப்பட்டுள்ளது.

சினிமா – சின்னத்திரை

இந்த பவுண்டேஷனுக்கு நிதி திரட்டும் விதமாக சின்னத்திரை நடிகர்களுக்கும், பெரிய திரை நடிகர்களுக்கும் இடையே கிரிக்கெட் போட்டி நடத்த முடிவு செய்திருக்கிறார்கள்.

பரத், வெங்கட்பிரபு

பெரிய திரையின் சார்பாக வெங்கட்பிரபு, ஷாம், பரத், எஸ்.பி.பி.சரண், சாந்தனு பாக்யராஜ், பிருத்வி பாண்டியராஜன், நிதின் சத்யா, அரவிந்த் ஆகாஷ், மகேந்திரன், சஞ்சீவ், உதய், அனூப், ஆதவ் கண்ணதாசன், விஷ்ணுவர்த்தன், அசோக், சரண் ஆகியோர் விளையாட உள்ளனர்.

விஷ்வா, சேத்தன்

சின்னத்திரையின் சார்பாக சதீஷ், விஷ்வா, சேத்தன், பாலாஜி , பானு, விவேக், விஜய் ஆனந்த், தினகர், தேவ், நரேந்திரா, கோபிகர், மது, ஓஏகே தேவர், ஈஸ்வர், ஜெயந்த், தருண், ஸ்ரீதரன் மற்றும் பலரும் இடம் பெறுகின்றனர்.

ஆகஸ்ட்டில் போட்டி

இந்த போட்டி வருகிற ஆகஸ்ட் 17ந் தேதி சேப்பாக்கம் ஸ்டேடியத்தில் நடக்கிறது. இதற்கான அறிமுக நிகழ்ச்சி நேற்று சென்னையில் நடைபெற்றது.

உடைகள் அறிமுகம்

இதில் பெரிய திரை நட்சத்திரங்களுக்கு நீல நிற உடையும், சின்னத்திரை நடிகர்களுக்கு சிகப்பு நிற உடையும் விளையாட்டு சீருடையாக அறிமுகப்படுத்தப்பட்டது.

நடிகர்கள் பங்கேற்பு

இந்த அறிமுக விழாவில் பரத், சாந்தனு, பிரிதிவி பாண்டியராஜன், நிதின் சத்யா, மகேந்திரன், சஞ்சீவ், விஷ்னு உள்ளிட்ட சின்னத்திரை, சினிமா நட்சத்திரங்கள் பங்கேற்றனர்.