கோலி - வில்லி இடையே யுத்தம்.. யார் சிறந்த வீரர்.. என்ன சொல்கிறது புள்ளிவிவரங்கள். முழு விவரம்!

மொத்த புள்ளிவிவரம்

இதுவரை 91 டெஸ்ட் போட்டிகளில் விளையாடியுள்ள கோலி, 7490 ரன்களை எடுத்துள்ளார், அவரின் சராசரி 52 ரன்களுக்கும் மேல். வில்லியம்சன் இதுவரை 83 போட்டிகளில் மட்டுமே விளையாடி 7115 ரன்களை எடுத்துள்ளார். சராசரியை பார்த்தால் கோலியை விட ( 54) வில்லியம்சன் அதிகமாக உள்ளார். ஆனால் அதிக சதம் மற்றும் அரைசதம் அடித்ததில் கோலிதான் முதலிடத்தில் உள்ளார்.

4வது இன்னிங்ஸ் ஆட்டம்

டெஸ்ட் போட்டியில் 4வது இன்னிங்ஸை விளையாடுவது மிக சவாலானது. இதில் விராட் கோலி 50.94 என்ற நல்ல சராசரியுடன் கிட்டத்தட்ட 1000 ரன்களை குவித்துள்ளார். இதில் 3 சதம் மற்றும் 3 அரைசதங்கள் அடங்கும். வில்லியம்சன் இதில் நீண்ட தூரம் இல்லை. அவரின் சராசரி 49.14 ரன்கள் உள்ளது. இதுவரை 688 ரன்கள் எடுத்துள்ள வில்லியம்சன் 688 ரன்களை விளாசியுள்ளார். இதில் 3 சதம் மற்றும் அரைசதம் எனக்கூறியுள்ளார்.

உள்ளூர் போட்டிகள்

உள்நாட்டு மைதானங்களில் பேட்ஸ்மேனால் சிறப்பாக செயல்பட முடியும். அந்த வகையில் கோலி - வில்லியம்சன் இருவருமே 66 போட்டிகளை உள்நாட்டில் விளையாடியுள்ளனர். அதில் கோலி 3730 ரன்களும், வில்லியம்சன் 3788 ரன்களும் அடித்துள்ளனர். இருவரின் புள்ளிவிவரங்களும் கிட்டத்தட்ட ஒன்றாக உள்ளன. இருவருமே சொந்த மண்ணில் தலா 13 சதங்களை விளாசியுள்ளனர்.

வெளிநாட்டு போட்டிகள்

வெளிநாட்டு மைதானங்களில் கோலி - வில்லியம்சன் இருவருக்குமே புள்ளிவிவரங்கள் கிட்டத்தட்ட ஒரே மாதிரிதான் உள்ளது. விராட் கோலி 87 போட்டிகளில் விளையாடி 3760 ரன்களும் வில்லியம்சன் 78 போட்டிகளில் ஆடி3327 ரன்களை எடுத்துள்ளார். கோலி 14 சதங்களும் வில்லியம்சன் 11 சதங்களும் அடித்துள்ளனர்.

முடிவு என்ன?

அனைத்து புள்ளிவிவரங்களையும் வைத்து பார்க்கும் போது இரு வீரர்களுமே உலக டெஸ்ட் சாம்பியன்ஷி இறுதிப்போட்டியில் நல்ல போட்டியை ஏற்படுத்துவார்கள் என தெரிகிறது. அவர்கள் இருவரும் கடந்த 10 ஆண்டுகளாக நிலையான ஆட்டத்தை வெளிப்படுத்தி வருகிறார்கள். எனவே நேரம் தான் இருவரில் எந்த பேட்ஸ்மேன் என்பதை தீர்மானிக்க வேண்டும்.