விராட்டை பின்னுக்கு தள்ளிய ஸ்டீவ் ஸ்மித்... 2வது இடத்திற்கு முன்னேற்றம்

ஆட்ட நாயகனாக ஸ்மித் தேர்வு

இந்தியா மற்றும் ஆஸ்திரேலியா இடையிலான டெஸ்ட் தொடரின் 3 போட்டிகள் நடைபெற்று முடிந்துள்ளன. இதன் 4வது போட்டி பிரிஸ்பேனில் வரும் 15ம் தேதி துவங்கி நடைபெறவுள்ளது. சிட்னியில் நடைபெற்ற 3வது போட்டி டிரா ஆகியுள்ளது. இந்த போட்டியில் ஆட்ட நாயகனாக ஸ்டீவ் ஸ்மித் தேர்ந்தெடுக்கப்பட்டார்.

2வது இடத்திற்கு முன்னேறிய ஸ்மித்

அவர் முதல் இன்னிங்சில் சதமும், இரண்டாவது இன்னிங்சில் அரைசதமும் எடுத்திருந்தார். இந்நிலையில் ஐசிசி டெஸ்ட் தரவரிசை பட்டியலில் அவர் இரண்டாவது இடத்திற்கு தற்போது முன்னேறியுள்ளார். இரண்டாவது இடத்தில் இருந்த விராட் கோலி தற்போது 3வது இடத்திற்கு தள்ளப்பட்டுள்ளார்.

2வது இடத்தில் ஸ்மித்

நியூசிலாந்து கேப்டன் கேன் வில்லியம்சன் 919 புள்ளிகளுடன் முதலிடத்தில் தொடர்ந்துவரும் நிலையில், 900 புள்ளிகளுடன் இரண்டாவது இடத்தில் ஸ்டீவ் ஸ்மித்தும் 3வது இடத்தில் 870 புள்ளிகளுடன் விராட் கோலியும், லாபுசாக்னே மற்றும் பாபர் அசாம் முறையே 866 மற்றும் 781 புள்ளிகளுடன் 4வது மற்றும் 5வது இடத்திலும் உள்ளனர்.

ரஹானே 7வது இடம்

புஜாரா 8வது இடத்திற்கு முன்னேறியுள்ள நிலையில் கேப்டன் அஜிங்க்யா ரஹானே 7வது இடத்திற்கு கீழிறங்கியுள்ளார். ரிஷப் பந்த் 26வது இடத்திற்கு முன்னேறியுள்ளார். கடந்த சிட்னி போட்டியில் வலி நிவாரணி உள்ளிட்டவற்றை போட்டுக் கொண்டு சிறப்பாக விளையாடி 97 ரன்களை பந்த் எடுத்திருந்தது குறிப்பிடத்தக்கது.