Click it and Unblock the Notifications
தொடக்கம்
ஆட்டத்தின் முதல் ஓவரில் இருந்து அவர்கள் பந்துகளை விரட்ட ஆரம்பித்தனர்.
2வது ஓவர், 3வது ஓவர் என அனைத்து ஓவர்களிலும் ரன்கள் வந்து கொண்டே இருந்தன. இந்த ஜோடியை பிரிக்க பந்துவீச்சாளர்களை மாற்றி பார்த்தும் பலனில்லை.
அதிரடி ரன்குவிப்பு
அதிரடியாக ஆடிய பெய்ர்டோ 9வது ஓவரில் தமது அரை சதத்தை எட்டினார். அதன் பின்னரும் பந்துகளை பவுண்டரிகளுக்கும், சிக்சர்களுக்கும் அனுப்பினார். எளிதாக இருவரும் பார்ட்னர்ஷிப்பில் 100 ரன்களை எட்டினர். அதன் பின்னரும் இருவரும் பெங்களூர் அணியின் பந்துவீச்சை வெளுத்து வாங்கினர்.
பெய்ர்ஸ்டோவ் சதம்
தொடக்கம் முதலே அதிரடியாக ஆடிய பெய்ர்ஸ்டோ ஐபிஎல் தொடரில் தமது முதல் சதத்தை எடுத்து புதிய சாதனை படைத்தார். 17வது ஓவரின் போது 114 ரன்கள் எடுத்திருந்த பெய்ர்ஸ்டோ சாஹல் பந்தில் ஆட்டமிழந்தார். 185வது ரன்னில் தாம் சன் ரைசர்ஸ் அணி தமது முதல் விக்கெட்டை இழந்தது.
விஜய் சங்கர் அவுட்
அதன்பின்னர் விஜய் சங்கர் களம் இறங்கினார். 9 ரன்கள் எடுத்திருந்த அவரும் ஆட்டமிழந்தார். ஆனால்.. ஒரு பக்கம் முன்பை விட ஆக்ரோஷமாக ஆடத் தொடங்கினார் வார்னர்.
சதமடித்த வார்னர்
பந்துளை நாலாபுறமும் சிதறடித்த அவர், தமது சதத்தை எட்டினார். ஒரு ஐபிஎல் தொடரில் தொடக்க வீரர்கள் இருவரும் சதம் அடிப்பது இதுவே முதல் முறையாகும்.
232 ரன்கள் இலக்கு
20 வது ஓவர்கள் முடிவில் சன் ரைசர்ஸ் அணி 2 விக்கெட் இழப்புக்கு 231 ரன்கள் எடுத்தது. அதன் மூலம் பெங்களூர் அணிக்கு 232 ரன்களை வெற்றி இலக்காக நிர்ணயித்துள்ளது.
