இந்திய அணியில் ஆடும் வாய்ப்பு தள்ளிப்போவதால் வைபவ் சூர்யவன்ஷிக்கு புது சிக்கல்.. கவாஸ்கர் கவலை

மும்பை: இங்கிலாந்துக்கு எதிரான முதல் டி20 போட்டியிலும் இளம் அதிரடி ஆட்டக்காரர் வைபவ் சூர்யவன்ஷிக்கு விளையாட வாய்ப்பு மறுக்கப்பட்டுள்ள நிலையில், இந்தத் தாமதம் வைபவை பாதிக்கும் எனவும், அடுத்து வாய்ப்பு கொடுக்கும் போது அவர் கடும் அழுத்தத்தில் இருப்பார் எனவும் இந்திய கிரிக்கெட் ஜாம்பவான் சுனில் கவாஸ்கர் தெரிவித்துள்ளார்.

இதுகுறித்து சோனி ஸ்போர்ட்ஸ் தொலைக்காட்சியில் பேசிய சுனில் கவாஸ்கர், "வாய்ப்பு தள்ளிப்போகும் போது, வைபவ் சூர்யவன்ஷிக்கு எப்போது வாய்ப்பு கிடைத்தாலும் உடனே ரன் குவிக்க வேண்டும் என்ற கூடுதல் அழுத்தம் ஏற்படும். குறிப்பாக 2-வது அல்லது 3-வது போட்டியில் விளையாடினால், அவர் உடனடியாகத் தனது திறமையை நிரூபிக்க வேண்டிய கட்டாயம் இருக்கும். ஆனால், 15 வயதில் அழுத்தம் குறித்து யாரும் அதிகம் யோசிப்பதில்லை. இந்திய அணியில் உள்ள சிறந்த வீரர்களுடன் இணைந்து அவர் பல விஷயங்களைக் கற்றுக்கொள்வது அவருக்குப் பயனுள்ளதாக இருக்கும்" என்று கூறினார்.

தற்போது 15 ஆண்டுகள் மற்றும் 96 நாட்கள் வயதாகும் வைபவ் சூர்யவன்ஷி இந்தத் தொடரில் களம் இறங்கினால், சர்வதேச டி20 போட்டியில் விளையாடிய மிகக் குறைந்த வயது வீரர் என்ற அயர்லாந்தின் ஜோசுவா லிட்டிலின் (16 ஆண்டுகள் 309 நாட்கள்) உலக சாதனையை முறியடிப்பார்.

மேலும், 1989-இல் தனது 16 வயது மற்றும் 205 நாட்களில் அறிமுகமான சச்சின் டெண்டுல்கரின் சாதனையை முறியடித்து, இந்திய அணிக்காக விளையாடிய மிக இளைய வீரர் என்ற பெருமையையும் பெறுவார். சர்வதேச கிரிக்கெட்டில் பாகிஸ்தானின் ஹசன் ரசா (14 ஆண்டுகள் 227 நாட்கள்) மிகக் குறைந்த வயதில் அறிமுகமான வீரராக முதலிடத்தில் உள்ளார்.

"வைபவ் சூர்யவன்ஷி பேன்ட்டை உருவி இருப்பான்".. வாய்க்கு வந்தபடி அணி நிர்வாகத்தை சாடிய ரவி சாஸ்திரி

மழையால் பாதிக்கப்பட்ட இங்கிலாந்துக்கு எதிரான முதல் போட்டியில், அயர்லாந்து தொடரை 0-2 என இழந்த இந்தியா முதலில் பேட்டிங் செய்து, ஆரம்பத்தில் 6 ரன்களுக்கு 2 விக்கெட்டுகளை இழந்து தடுமாறியது. கேப்டன் ஸ்ரேயாஸ் ஐயர் (68 ரன்கள்) மற்றும் அபிஷேக் சர்மா (59 ரன்கள்) ஆகியோரின் அரைசதங்கள் மற்றும் சிவம் துபேயின் அதிரடி ஆட்டம் (21 பந்துகளில் 42 ரன்கள்) காரணமாக இந்தியா 189 ரன்கள் என்ற சவாலான ஸ்கோரை எட்டியது. இங்கிலாந்து பந்துவீச்சில் சாகிப் மஹ்மூத் 4 ஓவர்களில் 33 ரன்கள் கொடுத்து 3 விக்கெட்டுகளை வீழ்த்தினார்.

“செஞ்ச வரைக்கும் போதும் சாமி.. வீட்டுக்கு கிளம்புங்க”.. இங்கிலாந்து கோச் மீது வாகன் விமர்சனம்