டெல்லியில் விராட் கோலிக்கு உள்ள சூப்பர் பவர்.. சுனில் கவாஸ்கர் எச்சரிக்கை..அட புள்ளிவிவரம் மிரட்டுதே

விராட் கோலி ஃபார்ம்

எதிர்பார்க்காத பல வீரர்களும் முதல் டெஸ்டில் கலக்கிய சூழலில் பெரிதும் எதிர்பார்க்கப்பட்ட விராட் கோலி மட்டும் சொதப்பினார். ஆசிய கோப்பை மூலம் பழைய ஃபார்முக்கு திரும்பியுள்ள கோலி டி20 மற்றும் ஒருநாள் கிரிக்கெட் என 4 சதங்களை விளாசியுள்ளார். ஆனால் டெஸ்ட் கிரிக்கெட்டில் மட்டும் இன்னும் தனது சதத்தை அடிக்காமல் இருந்து வருகிறார். 2019ம் ஆண்டு வங்கதேசத்துக்கு எதிராக அடித்ததே கடைசி சதமாகும்.

கவாஸ்கர் விளக்கம்

இந்நிலையில் கோலி 2வது டெஸ்டில் எதிர்பார்க்காத ஆட்டத்தை கொடுப்பார் என சுனில் கவாஸ்கர் கூறியுள்ளார். இதுகுறித்து பேசிய அவர், ஒரே ஒரு டெஸ்ட் போட்டி தானே முடிந்துள்ளது. இன்னும் மீதம் 3 போட்டிகள் இருக்கின்றன. கோலி போன்ற வீரர் அனைத்து போட்டிகளிலும் அதிக ரன் அடிக்க வேண்டும் என்று தான் ரசிகர்கள் நினைப்பார்கள். எனினும் ஒரே ஒரு இன்னிங்ஸில் தானே ஆடியுள்ளார், பொறுத்திருங்கள்.

சொந்த ஊரில் சதம்

2வது டெஸ்ட் போட்டி டெல்லியில் நடைபெறுவதால், கோலி தனது சொந்த ஊரில் சதத்தை அடிப்பார் என தோன்றுகிறது. ஏனென்றால் அதிகம் பழகிய மைதானத்தில் பெரிய ஸ்கோர் அடிக்க அதிக வாய்ப்புகள் உள்ளதாக சுனில் கவாஸ்கர் கூறியுள்ளார். அவர் கூறுவதும் ஒருவகையில் உண்மை தான். ஏனென்றால் டெல்லி மைதானத்தில் இதற்கு முன்னர் கோலியின் பேட்டிங் உச்சகட்டத்தில் இருந்துள்ளது.

என்ன ஸ்பெஷல்

விராட் கோலி கடைசியாக கடந்த 2017ம் ஆண்டு டெல்லி அருண் ஜெட்லி மைதானத்தில் டெஸ்ட் கிரிக்கெட் ஆடினார். இலங்கைக்கு எதிரான அந்த போட்டியில் 287 பந்துகளை சந்தித்த விராட் கோலி 25 பவுண்டரிகளுடன் 243 ரன்களை விளாசினார். அப்போது விராட் கோலியின் சிறந்த டெஸ்ட் ஸ்கோர் அதுவாக தான் இருந்தது.