அஸ்வின் எங்கேப்பா..? டீமில் இல்லையா.. ஏன்? நேரடி வர்ணனையில் கோலிக்கு ஆப்பு வைத்த முன்னாள் கேப்டன்

ரசிகர்கள் எதிர்ப்பு

அஸ்வின் மற்றும் ரோகித் சர்மா இடம் பெறாததால் சமூகவலைத்தளங்களில் ரசிகர்கள் கடும் எதிர்ப்பு தெரிவித்தனர். ஏனென்றால் கடந்த முறை வெஸ்ட் இண்டீசில் நடந்த தொடரில், தொடர் நாயகன் விருது பெற்றவர் அஸ்வின்.

கலக்கிய அஸ்வின்

இதுவரை வெஸ்ட் இண்டீஸ் அணிக்கு எதிராக 11 டெஸ்டில் பங்கேற்றுள்ள அஸ்வின் 60 விக்கெட் 4 சதம் உட்பட 552 ரன்கள் விளாசியுள்ளார். ஒட்டு மொத்த டெஸ்ட் அரங்கில் 65 போட்டியில் பங்கேற்றுள்ள அஸ்வின் 2361 ரன்கள், 342 விக்கெட் கைப்பற்றி ஆல் ரவுண்டாக அசத்தியுள்ளார். அதே போல டெஸ்ட் அரங்கில் அதி வேகமாக 250 மற்றும் 300 விக்கெட் கைப்பற்றிய பவுலர் என்ற சாதனைக்கும் சொந்தக்காரர் அஸ்வின்.

ரொம்ப ஆச்சர்யம்

இந்நிலையில் இதுதொடர்பாக டிவி வர்ணனையில் நேரலையில் பேசிய கவாஸ்கர், இந்திய அணித் தேர்வு என்னை மிகவும் ஆச்சரியப்பட வைக்கிறது. என்றார். அவர் மேலும் பேசியதாவது:

கவாஸ்கர் சாடல்

வெஸ்ட் இண்டீஸ் அணிக்கு எதிராக மிக சிறந்த சாதனைகளை சொந்தமாக கொண்டுள்ளவர் அஸ்வின். இது போன்ற வீரர் ஆடும் லெவனில் இடம் பெற வில்லை. இது உண்மையிலேயே எனக்கு மிகவும் ஆச்சரியமாக இருக்கிறது என்று அணி தேர்வு குறித்து மறைமுகமாக கேப்டன் கோலியை சாடினார்.