ஐபிஎல்-க்கு முன் ஏற்படவுள்ள அதிசயம்.. விராட் கோலியே அதனை செய்வார்..கவாஸ்கர் கருத்தால் ரசிகர்கள் குஷி

கோலியின் இன்னிங்ஸ்

80 சர்வதேச இன்னிங்ஸ் மற்றும் 1028 நாட்களாக ஒரு சதத்தை கூட அடிக்காமல் தவித்து வந்த விராட் கோலி ஆஃப்கானுக்கு எதிரான ஆட்டம் முதல் மெகா கம்பேக் தந்துள்ளார். கடந்த 22 இன்னிங்ஸ்களில் 4 சதங்களை அடித்துள்ளார். அதுவும் கடந்த 4 ஒருநாள் போட்டிகளில் 3 சதங்களை அடித்துவிட்டார். இதன் மூலம் சச்சின் டெண்டுல்கரின் மெகா சாதனைக்கு அருகில் அவர் சென்றுவிட்டார்.

என்ன சாதனை

சர்வதேச ஒருநாள் கிரிக்கெட்டில் விராட் கோலி இதுவரை 46 சதங்களை அடித்துள்ளார். இந்திய ஜாம்பவான் சச்சின் டெண்டுல்கர் 49 சதங்களை அடித்திருந்தார். எனவே இன்னும் 3 சதங்களை அடித்துவிட்டால், சச்சினையே சமன் செய்துவிடலாம். ஆனால் இது நடக்குமா? எப்போது நடக்கும்? என்ற விவாதங்கள் சமூக வலைதளங்களில் எழுந்து வருகிறது.

கவாஸ்கர் கருத்து

இந்நிலையில் இதுகுறித்து கவாஸ்கர் பேசியுள்ளார். அதில், இந்தியாவுக்கு அடுத்தபடியாக நியூசிலாந்துடன் 3 ஒருநாள் போட்டிகளும், ஆஸ்திரேலியாவுடன் 3 ஒருநாள் போட்டிகளும் உள்ளது. இவை இரண்டுமே ஐபிஎல் தொடருக்கு முன்னதாகவே வருகின்றன. விராட் கோலி தற்போது இருக்கும் ஃபார்முக்கும், அவர் விளையாடுவதையும் பார்த்தால் நிச்சயம் ஐபிஎல்-க்கு முன்பாகவே சச்சினை முந்திவிடுவார் என நினைக்கிறேன்.

நம்பலாமே

4 இன்னிங்ஸ்களில் 3 சதங்களை அடித்துள்ள விராட் கோலி, அடுத்துள்ள 6 இன்னிங்ஸ்களில் 3 சதங்களை அசால்ட்டாக அடிப்பார் என ஏன் நாம் நம்பக்கூடாது. அவர் நிச்சயம் செய்வார் என சுனில் கவாஸ்கர் பேசியுள்ளார். 3 வடிவ கிரிக்கெட்டையும் எடுத்துக்கொண்டால் சச்சினின் 100 சதங்கள் சாதனையை கோலியால் மட்டுமே முறியடிக்க முடியும் என்ற நிலை உள்ளது. இதுவரை விராட் கோலி 74 சதங்களை அடித்துள்ளார். இன்னும் 26 சதங்களை அடித்து சச்சினை முந்துவாரா என பொறுத்திருந்து பார்க்கலாம்