ஒரே ஓவரில் 25 ரன்கள்
ஆட்டத்தில் சுனில் நரைன் மரண காட்டு காட்டினார் என்றே சொல்லலாம். பஞ்சாப் வீரர் வீசிய வருண் சக்கரவர்த்தி வீசிய 2வது ஓவரில் 3 சிக்சர்கள் 1 பவுண்டரி என அந்த ஓவரில் மட்டும் மொத்தமாக 25 ரன்கள் எடுத்தார். இதுவே இந்த ஆண்டு ஐபிஎல்., தொடரில் ஒரே ஓவரில் அடிக்கப்பட்ட அதிகபட்ச ரன்களாகும்.
ஸ்டிரைக் ரேட்
அதுதவிர மேலும் பல புதிய சாதனைகளை அவர் செய்திருக்கிறார். சுழற்பந்து வீச்சில் அவர் வைத்திருக்கும் சாதனைகளும் யாரும் அறியாதது. ஐபிஎல் தொடரில் ஸ்பின் பந்துவீச்சில் அவர் வைத்திருக்கும் ஸ்டிரைக் ரேட் 225.5.
மேக்ஸ்வெல்
இதுவரை எந்த வீரரும் ஐபிஎல் தொடரில் வைத்திருக்காத ஸ்டிரைக் ரேட்டாகும். அவருக்கு அடுத்தபடியாக மேக்ஸ்வெல் உள்ளார். அவர் வைத்திருக்கும் ரன் ரேட் 171.6 ஆகும்.3வது இடத்தில் பாண்டியா இருக்கிறார். அவர் 170.9 ஸ்டிரைக் ரேட் வைத்திருக்கிறார்.
வருணுக்கு ரூ.8.4 கோடி
அதேபோல ஐபிஎல் தொடரில் தமது முதல் போட்டியில் பங்கேற்ற வருண் சக்கரவர்த்தியும் இந்த போட்டியை மறக்க மாட்டார். ரூ.8.4 கோடிக்கு வாங்கப்பட்ட வீரர் அவர். ஐபிஎல் தொடரில் தாம் வீசிய முதல் ஓவரில் 25 ரன்களை விட்டுக் கொடுத்திருக்கிறார். ஐபிஎல் தொடரில் அறிமுக பந்துவீச்சாளர் ஒருவர் முதல் ஓவரில் இதுபோன்ற ரன்களை இதற்கு முன்பாக யாரும் விட்டுக் கொடுத்தது இல்லை.