2028 டி20 உலககோப்பை, ஒலிம்பிக் என வென்று சாதிப்போம்.. பிசிசிஐ விருது விழாவில் சூர்யகுமார் பேச்சு

டெல்லி: இந்திய கிரிக்கெட் வீரர்களை கௌரவிக்கும் விதமாக, டெல்லியில் நடைபெற்ற 'நமன் விருதுகள்’ விழாவில் இந்திய அணியின் கடந்த ஆண்டு சாதனைகள் கோலாகலமாகக் கொண்டாடப்பட்டன. இந்த விழாவில், இந்திய மகளிர் அணி முதல் முறையாக ஒருநாள் உலகக்கோப்பையை வென்று மகத்தான வரலாறு படைத்தது.

அதேசமயம், இந்திய ஆடவர் அணி டி20 உலகக்கோப்பையை சொந்த மண்ணில் வெற்றிகரமாக வென்று , இந்த சாதனையை நிகழ்த்திய முதல் அணி என்ற பெருமையைப் பெற்றது. இது இந்திய கிரிக்கெட் வரலாற்றில் பொன் எழுத்துக்களால் பொறிக்கப்படும் ஒரு நிகழ்வாக அமைந்தது.இந்த வரலாற்றுச் சிறப்புமிக்க வெற்றிகளை வழிநடத்திய கேப்டன் சூர்யகுமார் யாதவ், வெற்றியின் பின்னணி ரகசியங்கள் குறித்து தனது பார்வையைப் பகிர்ந்து கொண்டார்.

உள்நாட்டில் கோப்பையை வெல்வதற்கான பெரும் எதிர்பார்ப்புகள் இருந்தது குறித்து பேசிய அவர், "நாங்கள் போட்டிக்குள் செல்வதற்கு முன்பே வெற்றி பெறுவோம் என்று எதிர்பார்க்கப்பட்டோம், இது ஒரு சாதகமான அம்சம். ஆனால், அதே நேரத்தில் சொந்த மண்ணில், ஆயிரக்கணக்கான ரசிகர்கள் முன்பு விளையாடும்போது, மிகப்பெரிய உற்சாகத்துடன் சேர்ந்து, அதேயளவு அழுத்தமும் இருக்கும்," என்று குறிப்பிட்டார்.

IPL 2026: சிஎஸ்கே அணியில் வரும் ஐபிஎல் தொடரில் அறிமுகமாக வாய்ப்புள்ள 10 வீரர்கள்

அமெரிக்காவுக்கு எதிரான போட்டியில் தங்கள் அணியினர் சற்று பதட்டத்துடன் விளையாடியதையும் அவர் ஒப்புக்கொண்டார். இது இயல்பானது என்றும் விளக்கினார். டி20 கிரிக்கெட்டின் வேகமான தன்மையையும், ஒரு ஓவரில் ஆட்டம் எவ்வாறு மாறும் என்பதையும் சூர்யகுமார் விளக்கினார். "டி20 கிரிக்கெட் ஒரு ஓவரில் மாறிவிடும். நாங்கள் எங்களால் முடிந்த சிறந்த கிரிக்கெட்டை விளையாடவும், எங்களது முழு திறமையையும் வெளிப்படுத்தவும், விஷயங்களை எளிமையாக வைத்திருக்கவும் முயற்சித்தோம். மீதமுள்ளவற்றை வீரர்கள் எனக்காகச் செய்து முடித்தனர்," என்றும் அவர் பெருமையாகத் தெரிவித்தார்.

பெரிய போட்டிகளிலும், அதற்கு முன்னரும் வீரர்களை நம்புவதும், அணியில் குறைந்த மாற்றங்களைச் செய்வதே தங்களது வெற்றிக்கு முக்கிய காரணங்களில் ஒன்று என சூர்யகுமார் யாதவ் சுட்டிக்காட்டினார். ராகுல் எங்கு விட்டாரோ, அங்கிருந்து அணியை முன்னெடுத்துச் செல்வது கடினமாக இருக்கவில்லை என்று சூர்யகுமார் நினைவு கூர்ந்தார். "அங்கிருந்து, வீரர்களின் மீது மிகுந்த நம்பிக்கையையும், உறுதியான ஆதரவையும் காட்ட வேண்டும் என்பதை நாங்கள் அறிந்தோம்," என்று அவர் தெளிவுபடுத்தினார்.

விளையாட்டில் பல ஏற்ற தாழ்வுகள் வருவது சகஜம், ஆனால் நாங்கள் எங்கள் வீரர்களுக்குத் தொடர்ந்து பக்கபலமாக நின்றோம். கடந்த சில ஆண்டுகளாக சிறப்பாக செயல்பட்ட வீரர்களுக்கு ஆதரவாக இருப்பது மிகவும் முக்கியம் எனக் கூறினார். "நாம் ஒரு சூப்பர் அணியை உருவாக்கியுள்ளோம், எனவே இவர்களுடனே தொடர்ந்து பயணிக்கலாம் என்று கம்பீர் பாய் எப்போதும் கூறுவார்,"

நியூசிலாந்து மொக்கை டீம் தான் போல.. பைனல் முடிந்து ஒரு வாரத்தில் 91 ரன்களில் சுருண்டது.. SA அபாரம்

"நாங்கள் அணியில் எட்டு பேட்ஸ்மேன்களுடன் விளையாடினோம், எப்போதுமே யாராவது ஒருவர் அணிக்குத் தேவையானதைச் செய்வார்கள் என்ற அசைக்க முடியாத நம்பிக்கை இருந்தது. ஒரு குழுவாக, நீண்ட காலமாகவே நாங்கள் இந்த ஒரே மாதிரியான அணியுடன் விளையாடி வருகிறோம்," என்று அவர் அடிக்கோடிட்டுக் காட்டினார்.

அடுத்த டி20 உலகக்கோப்பையையும் வென்று கோப்பையை மீண்டும் தக்கவைத்துக்கொள்வது பற்றிய தனது விருப்பத்தை வெளிப்படுத்தினார். இந்திய அணி ஒலிம்பிக் போட்டிகளில் பங்கேற்க உள்ள அதே ஆண்டில் இந்தப் போட்டி நடைபெறுவது குறிப்பிடத்தக்கது.

"அந்த ஆண்டில் டி20 உலகக்கோப்பை உட்பட இரண்டு பெரிய நிகழ்வுகள் உள்ளன. நாம் தொடர்ச்சியாக இரண்டு வெற்றிகளைப் பெற்றிருக்கும்போது, மூன்றாவது முறையாகவும், ஒலிம்பிக்கிலும் ஏன் வெற்றி பெறக் கூடாது?" என்று தலைவர் கேள்வி எழுப்பினார், தனது அடுத்த இலக்கை கோடிட்டுக் காட்டினார்.

2024-ல் இந்திய அணிக்குத் தேவைப்பட்ட ஒரு சிறிய தூண்டுதல் , வலுவான அடியை தாங்கள் கடந்துவிட்டதாக சூர்யகுமார் தெரிவித்தார். "அதன்பிறகு அனைத்தும் பொன்னாக மாறியுள்ளன. இந்த வெற்றியின் சுவையை மக்கள் புரிந்துகொள்வது மிக முக்கியம்," என்று அவர் மேலும் கூறினார். "கடைசி ஓவரில் வீச, அக்சர் மற்றும் அர்ஷ்தீப் இருவருக்கும் உரிய மரியாதை அளித்து, நான் ஜஸ்பிரித் பும்ராவிடம் பந்தைக் கொடுப்பேன். பேட்டிங்கில் நான் ஹர்திக் பாண்டியாவைத் தேர்ந்தெடுப்பேன்," என்று அவர் உறுதியாகத் தெரிவித்தார்.

அணியின் முக்கிய தருணங்களில் பயிற்சியாளர் கௌதம் கம்பீரை உற்சாகமாக வைத்திருக்க முயற்சித்தது குறித்தும் சூர்யகுமார் பகிர்ந்து கொண்டார். அழுத்தமான சூழ்நிலையிலும் கம்பீரைச் சிரிக்க வைப்பது கடினமாக இருக்கவில்லை. நாங்கள் போட்டி முழுவதும் எங்களால் முடிந்தவரை முயற்சி செய்தோம்," என்று சூர்யகுமார் கூறினார்.

வாழ்நாள் சாதனையாளர் விருதை வென்ற ராகுல் டிராவிட்.. மாணவன் சஞ்சு சாம்சனுக்கு புகழாரம்

ஓய்வெடுக்கக்கூடிய போட்டிகள் அவருக்கு அதிகம் இல்லை என்றாலும், இறுதிப் போட்டிக்குப் பிறகு அவர் சிரிப்பதைக் காண்பது நன்றாக இருந்தது என்றும், அவரைச் சிரிக்க வைக்கத் தங்களால் முடிந்த அனைத்தையும் செய்ததாகவும் அவர் கேலியாகக் கூறினார்.