சூர்யகுமார் யாதவுக்கு ஜாக்பாட்.. அடுத்த இந்தியா - பாக். போட்டியில் மெகா வாய்ப்பு.. இதை கவனித்தீர்களா?

ஆசிய கோப்பை

இந்திய அணியுடன் மோதப்போகும் மற்றொரு அணி எது என்பது இன்னும் உறுதியாகவில்லை. இன்று நடைபெறும் கடைசி லீக் போட்டியில் பாகிஸ்தான் மற்றும் ஹாங்காங் அணிகள் மோதுகின்றது. இந்த போட்டியில் பாகிஸ்தான் வெற்றி பெறுவதற்கு அதிக வாய்ப்புகள் உள்ளதால், பெரும்பாலும் இந்தியா - பாகிஸ்தான் அணிகள் தான் ஞாயிற்றுக்கிழமை மோதிக்கொள்ளும் என எதிர்பார்க்கப்படுகிறது.

பெரும் சாதனை

இந்நிலையில் இந்த போட்டியில் இந்திய வீரர் சூர்யகுமார் யாதவ் முக்கிய சாதனையை படைக்க காத்துள்ளார். ஐசிசி டி20 பேட்ஸ்மேன்கள் தரவரிசையில் பாகிஸ்தான் கேப்டன் பாபர் அசாம் தான் கடந்த ஓராண்டுகளாக முதலிடத்தில் இருந்து வருகிறார். முகமது ரிஸ்வான் 2வது இடத்தில் இருக்கிறார். ஆனால் அவர்கள் இருவரையும் முந்தி முதலிடத்தை சூர்யகுமார் யாதவ் பிடிக்கலாம்.

எத்தனை புள்ளிகள் தேவை

பாபர் அசாம் தற்போது வரை 818 புள்ளிகளுடன் இருக்கிறார். இவரை தொடர்ந்து முகமது ரிஸ்வான் 796 புள்ளிகளுடன் 2வது இடத்திலும், சூர்யகுமார் யாதவ் 792 புள்ளிகளுடன் 3வது இடத்திலும் இருக்கிறார். எனவே இன்னும் ஒரு போட்டியில் சிறப்பாக விளையாடினால் கூட முதலிடத்தை பிடித்துவிடுவார்.

புள்ளி எப்படி கணக்கிடுவது?

தரவரிசைப்பட்டியலில் பேட்ஸ்மேன்களின் புள்ளிகளை கணக்கிடுவதற்கு சில முறைகள் உள்ளன. அதாவது, முதலில் பேட்டிங் செய்வதை விட, சேஸிங்கில் ஒரு வீரருக்கு அதிக புள்ளிகள் கிடைக்கும். இதே போல அணி சிக்கலில் இருக்கும் போது அரைசதம் அல்லது சதம் அடித்தால் அதிக புள்ளிகளை பெறலாம்.