டி20 போட்டியில் இரட்டை சதம் விளாசிய ஆப்கன் வீரர்.. புதிய சாதனை

காபூல்: இருபது ஓவர் கிரிக்கெட் போட்டியில் இரட்டை சதம் அடித்து ஆப்கானிஸ்தான் வீரர் ஷஃபிகுல்லா ஷஃபாக் புதிய சாதனை படைத்துள்ளார்.

ஆப்கானிஸ்தானில் உள்ளூர் அணிகளுக்கு இடையிலான டி20 போட்டிகள் நடைபெற்று வருகிறது. நேற்று நடைபெற்ற போட்டி ஒன்றில், அந்நாட்டு வீரர் ஷஃபிகுல்லா ஷஃபாக் இரட்டை சதமடித்து சாதனை படைத்துள்ளார். 71 பந்துகளில் 21 சிக்சர்கள், 16 பவுண்டரிகள் விளாசி 214 ரன்களை குவித்து அசத்தியுள்ளார் ஷஃபாக்.

பாரகான் நங்கர்ஹார் சாம்பியன்ஸ் கோப்பைக்கான தொடரில் இந்த சாதனையை அவர் புரிந்துள்ளார். இதன்மூலம், 20 ஓவர்களில் ஷஃபாக் பங்கேற்ற கடீஸ் கிரிக்கெட் அகாடமி அணி 351 ரன்கள் என்ற இமாலய இலக்கை எட்டியது.

352 ரன்கள் என்ற அசாத்திய இலக்கை நோக்கி விளாடிய காபூல் ஸ்டார் கிரிக்கெட் அணி 107 ரன்களை மட்டுமே எடுத்து இப்போட்டியில் படுதோல்வி அடைந்தது.

சேவாக், ரோஹித் ஷர்மா, கிறிஸ் கெயில், மார்டின் கப்தில் ஆகியோர் ஒருநாள் போட்டியில் இரட்டை சதமடித்தனர். ஆனால், சர்வதேச அளவில் டி-20 போட்டிகளில் இதுவரை யாரும் இரட்டை சதமடிக்கவில்லை. அதனை தற்போது ஷஃபாக் முறியடித்துள்ளார். சர்வதேச கிரிக்கெட்டில் இதுவரை 35 போட்டிகளில் விளையாடியுள்ள ஷஃபாக், 392 ரன்கள் எடுத்துள்ளார்.